سه‌رۆك بارزانی پشتەڤانییا خۆ بۆ یانا دهۆكێ دوپاتكر و گۆت: دێ بینه‌رییا یاری دناڤبەرا دهۆك و قادسییا كوێتی كەم" ئه‌ڤرۆ سه‌رۆك بارزانی په‌یوه‌ندییه‌كا ته‌له‌فۆنی ل گه‌ل د. عه‌لی ته‌ته‌ری پارێزگارێ دهۆكێ، كو بۆ هاندانا یانا دهۆكێ ل جاما كه‌نداڤی یا یانان ل وی وەلاتی ئه‌نجامدا و پشتەڤانییا خۆ بۆ یانا دهۆكێ دوپاتكر.
سه‌رۆك بارزانی" گۆتە پارێزگارێ دهۆكێ، ژ نێزیكڤه دێ بینه‌رێ یارییا دناڤبەرا دهۆك و قادسییێ بیت و هیڤییا سه‌ركه‌ڤتنێ بۆ یانا دهۆكێ خواست" سه‌رۆك بارزانی پیرۆزباهییا ئه‌وان سه‌ركه‌ڤتنێن مەزن كر یێن كو یانا دهۆكێ ب ده‌ستڤە ئیناین و شییاین بگەهنه یارییا دووماهییێ یا جاما كه‌نداڤی یا یانه‌یان.
ژ لایێ خۆڤه یاریزانێن یانا دهۆكێ" ل دەمێ په‌یوه‌ندییا ته‌له‌فۆنی یا سه‌رۆك بارزانی و د. عه‌لی ته‌ته‌ری ئاماده‌بوون، ب دەست قوتانڤە پێشوازی ل وێ په‌یوه‌ندییا ته‌له‌فۆنی كر و خۆشحالییا خۆ ده‌ربرین و دوپاتكر، كه ئه‌و په‌یوه‌ندییا ته‌له‌فۆنی یا سه‌رۆك بارزانی دێ بیتە مەزنترین پشتەڤانی بۆ یانا دهۆكێ.