سەرۆک بارزانی د یادا 45 سالییا جینوسایدا کوردێن فەیلی دا پەیامەک بەلاڤ کر و راگەهاند: خویشک و برایێن فەیلی رۆلەکێ گرنگ د بزاڤا رزگاریخواز یا کوردستانێ و دۆزا نەتەوەیی یا گەلێ مە دا هەبوو.
ئەڤرۆ رۆژا ئەیینی، 04-04-2025، سەرۆک بارزانی د تۆرا جڤاکی یا ئێکسێ دا، بۆ یادا 45 سالییا جینوسایدا کوردێن فەیلی پەیامەک بەلاڤ کر و د پەیاما خۆ دا دبێژیت: جینوسایدکرنا کوردێن فەیلی، پشکەک بوو ژ پلانا دارشتی یا ئیراقێ بۆ ژناڤبرنا گەلێ کوردستانێ.
سەرۆک بارزانی هەروەسا دبێژیت: سلاڤان بۆ گیانێ پاک یێ شەهیدێن کوردێن فەیلی و هەمی شەهیدێن رێکا ئازادییا کوردستانێ دهنێرین.
رژێما بەرێ یا ئیراقێ ل 2ـی نیسانێ هەتا 10ـی نیسانێ یا سالا 1980ـێ، بریارا ژمارە 666 یا دەرکر کو د ڤێ بریارێ دا بەحسی وان کەسان دهاتەکرن یێن کو ناسنامەیا ئیراقی نینە یان مامەلە کرینە دا کو ب دەستڤە بئینن پێدڤییە ب زۆری بۆ ئیرانێ بهێنە هنارتن، لەوما کوردێن فەیلی ب زۆری ژ کوردستان و ئیراقێ هاتنبە دەرکرن و هاتنە گرتن و زیندانیکرن و بێسەروشوینکرن. د ڤێ هەوێ دا 600 – 70 هزار کوردێن فەیلی ب زۆری هاتنە دەرکرن و پتری 20 هزار گەنجێن فەیلی هاتنە بێسەروشویکرن و هەتا نوکە چارەنڤیسێ وان نەدیارە.
ل رۆژا 4ـی نیسانێ یا هەمی سالان وەک یادا ڤێ جینوسایدێ دهێتەکرن.