ب هەلکەفتا پارێزگەهبوونا هەلەبجە وەک چارەمین پارێزگەها کوردستانێ سەرۆک بارزانى پەیامەکا پیرۆزباهییێ بەلاڤکر.
ئەڤرۆ، رۆژا دوشەمبییێ 2025-04-14، سەرۆک بارزانى ل دۆر پارێزگەهبوونا هەلەبجە، وەک چارەمین پارێزگەها کوردستانێ و نوزدەمین پارێزگەها ئیراقێ، پەیامەکا پیرزباهییێ ئاراستەیی سەرۆکایەتییا جڤاتا نوینەران، هەمی ئەندام و فراکسیۆنێن سیاسی کر.
هەروەسا دا دیارکرن؛ جڤاتا نوینەران رۆلەکێ ئەرێنی بۆ پەسەندکرنا پرۆژەیێ ب پارێزگەهبوونا هەلەبجە گێرا، دەستخۆشییێ ل فراکسیۆنێن کوردستانێ یێن جڤاتا نوینەرێن ئیراقێ دکەم کو ب ئێکدەنگی و ئێکرێزی ئەڤ دەستکەفتە بۆ خەلکێ هەلەبجە و کوردستانێ مسۆگەر کر.
هەروەسا گۆت ژی؛ سوپاسییا هەمی وان رێزداران دکەم یێن بزاڤ بۆ پارێزگەهبوونا هەلەبجە کرین. هیڤیخوازم پارێزگەهبوونا هەلەبجە گاڤەک بیت بۆ خزمەتکرن و پێشڤەبرنەکا زێدەتر یا ڤێ دەڤەرا چەند قوربانی بۆ کوردستانێ داین و ببیتە ئەگەرێ ساخبوونا برینێن خەلکێ هەلەبجە.