ئه‌ڤرۆ سپێدێ رۆژا ئێكشه‌مبى 27/نیسانا / 2025 ێ ب ئاماده‌بونا "سه‌ربه‌ست له‌زگین" به‌رپرسێ مه‌كته‌با رێكخستنا پارتى ل پارێزگه‌هێ و" د.عه‌لى ته‌ته‌ر" پارێزگارێ دهۆكێ و"د.نه‌وزاد عبدالله" به‌رپرسێ لقێ ئێك و"كه‌یفى مسته‌فا" رێڤه‌به‌رێ گشتى یێ شونوارا ل كوردستانێ وبه‌رپرسێ رێكخاروا یونسكو ل عیراقێ وچه‌ند به‌رپرسێن حزبى وئیدارى پرۆژێ نوژه‌نكرنا شكه‌فتا چار ستین هاته ڤه‌كرن.
پشتى رێ ورسمێن ڤه‌كه‌رنێ گه‌ریانه‌ك ل ناڤ جهێن نوژه‌نكرى هاته كرن و ژنێزیك سه‌حكرنه ره‌وشا وان .
پاش ل ناڤ شكه‌فتا چارستین كو ئێكه ژپه‌رستگه‌هێن زه‌ره‌ده‌شتیا ومێژویا وێ زۆر یا كه‌ڤنه 365 شه‌ماڵك هاتنه هه‌لكرن.
ل دووڤدا "د.بێكه‌س بریفكانى" رێڤه‌به‌رێ شونوارا ل پارێزگه‌هێ دپه‌یڤه‌كێدا سوپاسیا هه‌موو لایه‌نان كر یێن بوینه هاریكار بو نوژه‌نكرنا شكه‌فتێ ، پاش پارێزگارێ دهۆكێ ورێڤه‌به‌رێ رێكخراوا یونسكو ورێڤه‌به‌رێ گشتى یێ شونوارا ل كوردستانێ په‌یڤێن خۆ پێشكێشكرن.
پارێزگارێ دهۆكێ ده‌ستخوشى ل وان هه‌موو لایه‌ن ورێكخراوا نه‌خاسمه ئێكه‌تیا ئه‌ورپى ویونسكو كر یێن بوینه هاریكار بۆ نوژه‌نكرنا شكه‌فتا چار ستین وگوت: ئه‌ڤه جهه‌كێ شونوارى وكلتورى یێ ره‌سه‌نێ كوردستانێ یه ودڤێت لایه‌نێن په‌یوه‌ندیدار وهه‌ر تاكه كه‌سه‌كێ ڤێ وه‌ڵاتى چاڤدێرى وسه‌خبێریێ لێ بكه‌ت وباش ب پارێزیت وئه‌ڤ شونواره ئێك ژپیروزیێن گه‌لێ مه‌نه ، هه‌بونا مه ل سه‌ر ڤێ ئاخێ دسه‌لمینن ودیاردكه‌ن.