سەرۆکێ حکومەتا هەرێما کوردستانێ د یادا 45 سالییا جینوسایدا کوردێن فەیلی دا پەیامەک بەلاڤ کر و راگەهاند: ئەڤرۆ یادا تاوانەکا هۆڤانە یا ل بەرانبەری پشکەکا گەلێ مە هاتییەکرن، دکەین.
ئەڤرۆ رۆژا ئەیینی، 04-04-2025، مەسروور بارزانی، سەرۆکێ هەرێما کوردستانێ، د تۆرا جڤاکی یا ئێکسێ دا، بۆ یادا 45 سالییا جینوسایدا کوردێن فەیلی پەیامەک بەلاڤ کر و د پەیاما خۆ دا دبێژیت: رژێمێن ئێک ل دویڤ ئێک یێن ئیراقێ ب چەند قووناغان کوردێن فەیلی جینوساید کرن، ل سالا 180 گەهشتە گۆپیتکا دڕندەییێ. دەمێ رژێما بەرێ یا ئیراقێ د قرکرنا نەژادی یدا و ژ ئەگەرێ کوردبوونا وان، سەدان کوردێن فەیلی ل ئیراقێ دەرکرن و ب هزاران ژی بێسەروشوین کرن و دەست دانا سەر مولک و مال و سامانێن وان و ناسنامەیێن وان ژێ وەرگرتن.
مەسروور بارزانی هەروەسان دبێژیت: د 45ـەمین سالیادا کوردێن فەیلی دا، دووپات دکەت کو پێدڤییە حکومەتا ئیراقێ، ئەرک و بەرپرسیارەتییا یاسایی و دەستووری یا خۆ بجهبئینیت و مالبات و کەسوکارێن قوربانییێن جینوسایدا کوردان فەیلی و جینوساید و کۆمکوژییێن دی، ب رەنگەکێ ژ هەژی قەرەبوو بکەت و مال و مولکێن وان یێن زەڤتکری ڤەگەرینیت.
رژێما بەرێ یا ئیراقێ ل 2ـی نیسانێ هەتا 10ـی نیسانێ یا سالا 1980ـێ، بریارا ژمارە 666 یا دەرکر کو د ڤێ بریارێ دا بەحسی وان کەسان دهاتەکرن یێن کو ناسنامەیا ئیراقی نینە یان مامەلە کرینە دا کو ب دەستڤە بئینن پێدڤییە ب زۆری بۆ ئیرانێ بهێنە هنارتن، لەوما کوردێن فەیلی ب زۆری ژ کوردستان و ئیراقێ هاتنبە دەرکرن و هاتنە گرتن و زیندانیکرن و بێسەروشوینکرن. د ڤێ هەوێ دا 600 – 70 هزار کوردێن فەیلی ب زۆری هاتنە دەرکرن و پتری 20 هزار گەنجێن فەیلی هاتنە بێسەروشویکرن و هەتا نوکە چارەنڤیسێ وان نەدیارە.
ل رۆژا 4ـی نیسانێ یا هەمی سالان وەک یادا ڤێ جینوسایدێ دهێتەکرن.