ده‌قێ په‌یاما سه‌رۆكێ هه‌رێما كوردستانێ
ئه‌ڤرۆ یادا خه‌مگین یا سالیادا بۆمبه‌بارنكرنا زانكۆیا سلێمانیێ و باژێڕێ قه‌لادزێ ل بیر دئینین كو 24ى نیسانا سالا 1974ێ تاوانه‌كا درندانه یا رژێما پێشتر یا ئیراقێ و بزاڤه‌كا بێهۆد بو بۆ شكاندنا ئیراده‌یا گه‌لێ كوردستانێ و بزاڤا رزگاریخوازییا كوردى، ده‌هان قوتابى، مامۆستا و وه‌لاتى شه‌هید بوون.
د ڤێ یادێ دا ب رێز ڤه یادا شه‌هیدێن جوانه‌مه‌رگێن زانكۆیێ دكه‌ین و سه‌رێ رێز و نه‌وازشێ ل هه‌مبه‌رى گیانی پاقژێ شه‌هیدان د چه‌مینن، ئه‌ڤ تاوانه په‌ڕه‌كێ دى یێ ئازاربه‌خشێ دیرۆكا كوردستانێ بوو، به‌لێ نه‌شیا ئیراده‌یا گه‌لێ مه لاواز بكه‌ت، به‌لكو بوو ئه‌گه‌رێ به‌رده‌ومییا خه‌بات و تێكۆشینێ ژبۆ ئازادیێ و بهێكرنا وێ.
د ڤێ یادێ دا پشته‌ڤانییا ته‌ماما خۆ بۆ خزمه‌تكرنا زێده‌تر یا ناوچه‌یا پشده‌ر و قه‌لادزێ نوو دكه‌ین كو هه‌رده‌م هێمایێ خه‌باتا نشتیمانى بوون و بۆ به‌رگریرن ژ كوردستانێ قوربانیه‌كا مه‌زن دایه و به‌رپرسایه‌تییا مه هه‌موویانه بۆ كاركرن بۆ پاشه‌رۆژه‌كا باشتر بۆ خه‌لكێ ئه‌وێ و كوردستانێ ب گشتى رێز ل خه‌بات و قوربانێ بگرین.
سلاڤ ل گیانێ پاقژێ شه‌هیدێن زانكۆیا سلێمانیێ و قه‌لادزێ و ته‌ماما شه‌هیدێن كوردستانێ یادا هه‌وه ب خێر.
نێچیرڤان بارزانى
سه‌رۆكێ هه‌رێما كوردستانێ
24-4-2025