ب ھەلکەفتا (٣٤)هەمین سالڤەگەرا بیرەوەریا سەرھلدانا دەڤەرا بەهدینان یا بەھارا سالا (١٩٩١)ێ گەرمترین پیروزباھیان ئاراستەیێ تەڤایا خەلکێ خۆشتڤیێ بەهدینان ب گشتی و ب تایبەت مالباتێن شەھیدان و پێشمەرگەھێن قەھرەمان دکەین .
٣٤ساڵ بەریا نهـا ل رۆژا ١٢ی ئادارا ١٩٩١ێ خەلکێ شەرەفمەند و خۆڕاگڕێ دەڤەرا بەهدینانا خوراگر و دوژمن بەزێن ب ھەمی تەخ و چینێن خوڤە و ب ھەڤکاری دگەل ھێزێن پێشمەرگەھێن کوردستانێ ھێرش برنە سەر دام و دەزگەھێن سەرکوتکەرێت رژێما بەعسا گۆر ب گۆر و گۆتە وان ئەڤە ئاخا مەیە وئێدی ھەوە ناحەوینیت و بارکەن ،
سەرهەڵدانا دەڤەرا بەهـدینان ل باژێرێن ”ئاكڕێ و بەردەرش” دەسپێكر و هەروەسا شێخان و دهۆك و ئامێدی و سێمڵ و زاخۆ و باتیفا و هەمی باژێر و باژەروكێن دی یێن دەڤەرێ ڤەگرت ل ئەنجام دا دەڤەرا بەهـدینان ھەمی ھاتە پاقژکرن ژ سیخور و دویڤەلانکێن رژێمێ و مزگینیا سەرکەفتنا سەرھلدانا گەلێ کوردستانێ گەھاندە ھەمی دەڤەرێن دی یێن کوردستانێ و تولا ئەنفال و کیمیاباران و شەرێ کومکوژیێ و سیاسەتا عەرد سوتنێ ھاتە ڤەکرن و دچەند رۆژەکێت کێم دا ھەمی کوردستان ھاتە رزگار کرن و دئەگەر دا سەروبەرەکێ نوی ل کوردستانێ پەیدا بۆ و ل ئەنجامێت ئەڤێ سەرھلدانا پیرۆز ھەلبژارتنێن دیموکراسی ھاتنە سازکرن و بوینە خودان پەرلەمان و حکومەتا ھەرێما کوردستانێ ، بێگومان ئەڤە ژی ژ ئەنجامێ ڤەرێژا رەنج و زەحمەت و خەبات و تێکوشینا گەلێ کوردستانێ بویە کو ئەڤ ئازادی و سەروەریا ھەرێما کوردستانێ بدەستڤە ھاتی
سەرێ رێزێ تەقدیرێ دچەمینین بۆ گیانێ پاقژێ شەھیدێن سەرھلدانێ و تەڤایا شەھیدێن رێكارزگاریخوازیا کوردستانێ و سەرکاروانێ شەھیدان بارزانیێ نەمر و کاک ئیدریسێ ھەردەم ساخ ...
مەکتەب ڕێکخستنا پارێزگەها دهۆک - پارتی دیموکراتی کوردستان
2025-3-12