ب هه‌لكه‌فتا بۆرینا 34 سالان ل سالان ل سه‌ر سه‌رهلدانا گه‌لێ كورد سه‌رۆك مه‌سعوود بارزانى پیرۆزباهى خێزانێن شه‌هیدان و هه‌مى پێشمه‌رگه و خابتكاران و نشتیمان په‌روه‌ران كرن.
د په‌یاما خۆ دا سه‌رۆك مه‌سعوود بارزانى راپه‌رین ب ئێك ژ سه‌روه‌رى و ده‌ستكه‌فتێن گران بها یێن گه‌لێ كوردستانێ ب ناڤكر و راگه‌هاند، د سایا ئیراده‌یا ئازادیخوازییا گه‌لێ كوردستانی و قاره‌مانییا پێشمه‌رگه‌ى و ئێكرێزییا بزاڤا رزگاریخوازییا كوردستانێ سه‌رهلدان هاته‌كرن و سه‌ركه‌فتن ب ده‌ستڤه‌ئینا، هه‌روه‌سا سه‌لهدان ل دژى سازیێن سته‌مكار و داگیركه‌ران بوو و په‌یامه‌كا رۆهن بوو كو زێده‌بارى سته‌م و سه‌ركوتكاریێ گه‌لێ كوردستانێ زندى و ئازاد و سه‌ربه‌ستی دڤیا.
سه‌رۆك دبێژیت: سه‌رهلدانێ ئه‌و راستى سه‌لماند كو داگیركارى و سته‌م چه‌ن بهێز بزن سه‌رئه‌نجام هه‌ر دێ ب دوماهى هێن و ئه‌و ئیراده و هێزا گه‌لێ كوردستانێ یه برى.
هه‌ر د ڤێ یادێ دا پیرۆزباهى ل بهایێن پیرۆزێن سه‌رهلدانێ و په‌یاما ئاشتى و برایه‌تى و پێكڤه ژیانا گه‌لێ كوردستانێ كرن.
و سلاڤ ژى بۆ روحا بلند یا شه‌هدیێن سه‌رهلدانێ و هه‌موو شه‌هیدێن خه‌باتا رزگاریخوازییا گه‌لێ كوردستانێ هنارن كو ب خوینا خۆ یا پاقژ و ئازاد و سه‌ربه‌ستى بۆ گه‌لێ كوردستاانێ ئینایه پیش.