سه‌رۆك نێچیرڤان بارزانى، سه‌رۆكێ هه‌رێما كوردستانێ د په‌یامه‌كێ دا ب هه‌لكه‌فتا جه‌ژنا ره‌مه‌زانێ پیرۆزباهی ل موسلمانێن كوردستانێ، ئیراقێ و جیهانێ كرن.
سه‌رۆك نێچیرڤان بارزانى د په‌یاما خۆ دا راگه‌هاند، هاتنا جه‌ژنا ره‌مه‌زانێ ل هه‌مى موسلمانێن كوردستانێ، ئیراقێ و جیهانێ، ب تایبه‌تى ل مالبات و كه‌سوكارێن سه‌ربلندێن شه‌هیدان پیرۆز بیت.
سه‌رۆكێ هه‌رێما كوردستانێ گۆت ژى، هیڤیدارم جه‌ژن و بێهنڤه‌دانه‌كا ئارام و پر كامێرانى و خێر و خۆشى ببه‌نه سه‌ر.
سه‌رۆك نێچیرڤان بارزانى هه‌روه‌سا گۆت: جه‌ژن ده‌لیڤه‌یه‌كه بۆ سه‌ر ژنوى ئاڤاكرنا په‌یوه‌ندیێن خۆ لسه‌ر بنه‌مایێ رێزگرتن، ڤیان، دۆستینى و هاریكاریێ. گۆت ژى، هیڤیدارم جه‌ژن و هه‌لكه‌فتێن بهێت، بۆ هه‌میان د ره‌وش و ژیاره‌كا باشتر دا بن و ئه‌م هه‌مى پێكڤه ل هه‌رێما كوردستسانێ و ئیراقێ پێكڤه بشێین باشتر خزمه‌تا گه‌ل وه‌لات بكه‌ین.