ئاکرێ نیوز
رێڤەبەریا پولیسێن ئاکرێ راگەهاند کو ئەڤرۆ دەمژمێر ( ٠٠ : ١١ ) سپێدێ ئاگەهداریا بنگەهێ پولیسێن کەلەك سەر ب بەشێ پولیسێن قەزا بەردەرەش هاتیە کرن ژلایێ هاولاتیێن گوندێ زەنگل سەر ب ناحیا کەلەك لسنورێ رێڤەبەریا پولیسێن ئـاکـرێ ب هەبوونا لاشێ ئافرەتەکێ دناڤا ریبارێ زێ مەزن ل نێزیك گوندێ زەنگل.
ئێکسەر بنگەهێ پولیسێن کەلەك لجهێ ناڤبری ئامادەبووينه ب حازربونا هوبا بەلگێن تاوانا بەردەرەش ب هەفکاری دگەل تیما نقومڤانێن بەرگریا شارستانیا خەبات لاشێ وێ ئافرەتێ ژ ریباری ئینایە دەر ولدیف ڤەکولینێن دەستپێکی دیاربوو کو لاشێ وێ ئافرەتێ ب تێلا ئاسنی لدۆر مل و پێن وێ هاتینە گرێدان و پێ هاتیە خەندقاندن و ژبەرکو لاشێ کەڤن بویە زۆر مایە دریباری دا و سەرچاڤێن وێ تێکچووینە تا نوکە ناڤ و تەمەنێ وێ ئافرەتێ نەهاتیە نیاسین و لاشێ وێ هاتیە رەوانەکرن بۆ پزیشکیا داد ل پارێزگەها هەولێرێ ژبو دیارکرنا دەم و ئەگەرێن تاوانێ و دیاربوونا ناسناما وێ ئافرەتێ.
ب فەرمانا رێزدار دادوەرێ ڤەکولینا بەردەرەش لدیف بەندێ « ٤٠٦ ی.س » دۆز بۆ تاوانێ هاتیە ڤەکرن ل بنگەهێ پولیسێن کەلەك و ڤەکولین بەردەوامە.