د.هەڤال سەدیق رێڤەبەرێ گشتیێ وەبەرهێنانێ ل پارێزگەها دهوک راگەهاند ژبەر پێتڤیا دەڤەرێ و گرنگیدان ب دەڤەرێن دەوروبەرێ سەنتەرێ پارێزگەهێ رێڤەبەریا گشتی یا وەبەرهێنانێ ل پارێزگەها دهۆکێ مۆلەتا وەبەرهێنانێ دایە ( کۆمەڵگەها سۆزڤین یا خزمەتگوزاریێن پیشەسازیا ترومبێلان ) کو دکەڤیتە دەڤەرا کۆنسیخۆڕ ل سنوورێ باژێڕڤانیا ئاکرێ.
ئەڤ پڕۆژەیە پێک دهێت ژ (43) پیشانگەها ترمبێلان یێن ناڤنجی و بچیک و (8) پێشانگەها ترومبێلێن قەبارە مەزن و بارهەلگر. (240) جهێن چاککرنا ترومبێلان و ئامیران. (8) جهێن چاککرنێ یێن مەزن و (5) جهێن شۆشتنا ترومبێلێن قەبارە مەزن و بچویک و جهێن پشکنینین کۆنترۆلکرنا ترمبێلان و ژمارەکا خوارنگەهان و کشک و باخچە و کوریدۆران.
هەروەسا خزمەتگوزاریێن وەک بنگەهێ پۆلیسان، بنگەهێ ئاگرێ ڤەمراندنێ و مزگەفت و ئۆتێل ژی دناڤدا هەنە.
ئەڤ پڕۆژەیە دێ دماوی شەش ساڵاندا ب سەرمایەی (49.994.000$) و لەسەر رووبەری (1.000.000م2) ژلایێ کۆمپانيه‌كا نافخويى ڤە هێتە بجهئینان.