نورا جەعفەر
بێکاری ب بابەتەکێ گرنگێ ئابوری و کومەلایەتی دهێتە دانان هەروەها کاریگەریەکا زۆر یا هەی لسەر تاکی و کومەلگەهێ.
ل هەرێما کوردستانێ بێکاری پرسگرێکەکا گرنگا ئابوری و جفاکی یە . لدویف داتایان رێژا بێکاریێ ل سالا ٢٠١٣ «٦٬٥ ٪» بۆ و ل سالا ٢٠١٥ رێژا بێکاریێ بەرز بۆ بو «٩٪» ئانکو ل وی دەمی نێزیکی ١٩٥ هزار بێکار هەبون. هەروەها ل سالا ٢٠١٦ رێژا بێکاریێ زێدەتر بەرز بو کۆ گەهشتە ١٤٪.
ل گورەی داتایان دیار دبیت کۆ رێژا بێکاریێ سال بۆ سالێ زێدە بویە. کۆ ئەڤ پرسگرێکە هەتا نهاژی یا بەردەوامە.
بەرز بونا رێژا بێکاریێ ل هەرێما کوردستانێ چەندین ئەگەران بخوفە دگریت ژ واناژی ( راگرتنا پروژێ وەبەرهێنانێ / زێدەبونا کرێکارێ بیانی ) و چەندین ئەگەرێن دیژی .کۆ دچەندین سالێن بوریدا هەرێما کوردستانێ رویبروی چەندین قەیرانێن ئابوری بویە کۆ ئەفەژی ئێك ژ وان ئەگەرانە کۆ رێژا بێکاریێ د بەرز بونێ دایە .
بێکاری ئێك ژ وان پرسگرێکایە کۆ دبیتە ئەگەرێ تێکدانا تەرازویا ئابوری یا وەلاتی و هەروەها پرسگرێکەکا کومەلایەتیە کۆ دبیتە ئەگەرێ زێدەبونا ئاریشەیێن جفاکی .
رێژا گەنجێن بێکار ل هەرێما کوردستانێ د زێدەبونێ دایە کۆ ئەفەژی بویە ئەگەرێ نەرازیبونێ لدەف گەنجێن هەرێمێ کۆ بویە هوکارێ وێ چەندێ کۆ گەنجێ هەرێمێ بەرەف چەند رێکارێن دی بچیت کۆ ژ وان رێکاران مشەخت بونا گەنجێن هەرێمێ بەرەف وەلاتێن بیانی. کۆ ئەفەژی دبیتە ئەگەرێ دروست بونا کێشەیەکا مەزن د وەلاتیدا و کێمبونا رێژا گەنجان .
بو چارەسەرکرنا فێ پرسگرێکێ پێدفیە رێکارێن تایبەت لبەر چاف بهێنە وەلگرتن و نەهێلانا وان هوکاران یێن کۆ دبنە ئەگەرێ دروست بونا بێکاریێ بو نمونە گەنجێ هەرێمێ ل جهێ کرێکارێ بیانی کاربکەت. و زێدەکرنا پروژێن وەبەرهێنانێ داکو ببیتە دەلیفەیەك بۆ گەنجان و بشێن کاربکەن .
گەنج لایەنەکێ بهێزە بۆ پێشفەبرن و دروست کرنا وەلاتەکێ پێشکەڤتی .