ئـاکرێ نیوز
ئەڤرو رێکەفتی 1 / 3 / 2025 ل گوندێ باکورمان سەر ب قەزا ئاکرێ ڤە شەر د ناڤەبەرا دو پسمامان دا چێبوویە و کەسەک هاتییە کوشتن.
ژلایێ خوڤە نێچیرڤان هەرکی پەیڤدارێ ساخلەمیا ئاکرێ بۆ ئاکرێ نیوز دیارکر کو ژ ئەنجامێ شەرەکی دناڤبەرا دوو پسماماندا ئێک ژ وان هاتییە کوشتن، هەروەها دوو کەس ژی ب گرانی برینداربووینە.
پەیڤدارێ ساخلەمیا ئاکرێ ئەو چەند ژی دیارکر کو :" کو ئەو گەنجێ هاتییە کوشتن وەیوەت لەزگین مستەفایێ 23 سالی یە و هاتیە رەوانەکرن بۆ پزیشکیا داد ل دهوکێ، کو 4 گولە بەرکەفتینە.
هەروەها شوکت لەزگین مستەفایێ 20 سالی بریندار بوویە هاتییە رەوانەکرن بۆ هەولێرێ کو 1 گولە ب چاڤێ وی کەفتییە، لگوری زانیاریێن ئاکرێ نیوز وی ژی گیانێ خۆ ژ دەست دایە.
ژ لایێ خوڤە مقدەم عیماد حسێن پەیڤدارێ پولیسێن ئاکرێ راگەهاند کو ئەنجامدەرێ تاوانا کوشتنێ بناڤێ « ر ، ت ، م » خۆ رادەستی ئاسایشا ئاکرێ کریە و رادەستی پولیسێن ئـاکـرێ هاتیەکرن ژلایێ ئاسایشا ئاکرێ ڤە و ب بریارا رێزدار دادوەرێ ڤەکولینێ ل ئاکرێ لدویف بەندێ « ٤٠٦ ی.س » تومەتبار هاتیە دەستەرسەرکرن و پەرێن ڤەکولین هاتینە ڤەکرن ژلایێ پۆلیسێن ئاکرێ ڤە و ڤەکولین بەردەوامە.