سەرۆکێ حکومەتا هەرێما کوردستانێ ب هەلکەفتا رۆژا جیهانی یا ژنان پیرۆزباهیێ ل ژنان دکەت و د پەیامەکێ راگەهاند: ژنێن کوردستانێ هەردەم نمۆنەیا نیشتیمانپەوەری و زیرەکی و جانفیدایی و قوربانیدانێ بوون.
مەسروور بارزانی، سەرۆکێ حکومەتا هەرێما کوردستانێ د پەیامەکێ دا ل تۆرا جڤاکی یا ئێکسێ نڤیسیە: مە رێزەکا مەزن بۆ خەبات و تێکۆشان و رۆلێ دیار یێ ژنێن کوردستانێ هەیە کو هەردەم نمۆنەیا نیشتیمانپەوەری و زیرەکی و جانفیدایی و قوربانیدانێ بوون، رۆژا جیهانی یا ژنان پیرۆز بیت.
ئەڤرۆ 8ی ئادارێ، رۆژا جیهانی یا ژنانە. دیرۆکا ڤێ رۆژێ بۆ دەستپێکا چەرخێ 20ێ ڤەدگەریت. ئەڤ رۆژە ژ لایێ بزاڤا کرێکارێن ئەمریکایێ ڤە هاتە پێشنیارکرن بۆ ئێکسانییا رەگەزی و پاراستنا مافێن ژنان و دویرئێخستنا وان ژ توندوتیژییێ. 8ی ئادارا هەمی سالان، ب چالاکییێن جودا-جودا ل سەرانسەری جیهانێ دهێتە پیرۆز کرن