رێڤەبەریا پۆلیسێن ئاکرێ راگەهاند، پشتی زانیاری گەهشتینە نڤیسینگەھا نەهێلانا گونەهباریا سیپە و سکالا هاتیە تومارکرن کۆ کەسەك بناڤێن چەند کەسایەتیێن دەڤەرێ کارێ فێلکرنێ ل دوکان و جهێن بازرگانی دکەت، نڤیسینگەها ناڤبری دەست ب ڤەکۆلینێ کر لسەر وی بابەتی و شیا د دەمەکێ کێم توهمەتبارەکێ دەستەسەر بکەت.
دیار کر، ئەو کەسێ کۆ هاتیە دەستەسەرکرن بناڤێ( ف . ع . ا ) تەمەنێ وی 36 سالن ئاکنجیێ دەرڤەی ئاکرێیە پشتی ڤەکۆلین دگەل هاتینەکرن دیاربوو کو رابوویە ب کارێ فێلکرنێ ل هژمارەکا دوکان و جهێن بازرگانی ل سەنتەرێ ئاکرێ و چەندین کوژمێن پارەی و کەلوپەل ب فێلکاری وەرگرتینە ل وان جهان.
ئاشکرا ژی کر، وی تاوانباری ل بەرامبەر دادوەرێ ڤەکۆلینا ئاکرێ دان ب تاوانا خۆ کریە و ل دیف بەندێ «456 ی.س» هاتیە دەستەسەرکرن و ڤەکۆلین دگەلدا بەردەوامن