لقێ9 پارتی دیموکراتی کوردستان پەیامەک بەلاڤکرییە و تێدا هاتییە :"بارزانی وەغەر کر، لێ کەلەپوور و رێبازا بارزان د زیندی نە" ئەڤا لخارێ دەقێ پەیامێ یە..
وەکی ئەڤرۆ بەری 46 ساڵان رێبەر و بابێ دیرووکی و کنیاتیێ نەتەوا کورد و دامەزرێنەرێ پارتی دیموکراتی کوردستان، مەلا مستەفایێ بارزانی وەغەرا داویێ کر، بارزانی ب خەباتا خۆ یا زێدەتر ل نیڤ چەرخی شیا، بزاڤا رزگاریخوازیا گەلێ کورد و پرسێن سیاسی و جڤاکی و کلتووری و ....هتد یێن کورستانێ ل جیهانێ دانە نیاسین و پێشئێخستن، و دەستکەفتێن هەرە مەزن ژی بدەست ئینان، لسەر دەستێ بارزانی نەمر بۆ جارا ئێکێ د دیرووکا گەلێ کورد دا ئێکرێزیەکا موکۆم درست بوو و هەمی لبن ئێک سەیوانێ دا هاتنە کۆمکرن ئەو ژی پارتی دیموکراتی کوردستان و رێبازا بارزان بوو.
بارزانی نەمر ب خەباتا خۆ یا شورەشگێری و سیاسی و دبلۆماسی و کلتووری بوویە سومبۆل و ناسناما گەلێ کورد لسەر ئاستێ جیهانێ .
بارزانی نەمر تاکە رێبەر و سەرکردێ کورد و کوردستانی یە کۆ کەلەپوورەکێ نشتیمانیێ دەولەمەند پاش خۆ هێلا بیت و پشتی ڤان هەمی ساڵا ل وەغەرکرنا وی گەلێ کورد مفای ل سەربۆڕ و کەلەپوورێ وی وەردگریت و بۆ مە وەکی پارتی دیموکراتی کوردستان ژێدەرێ خەباتا سیاسی و کارگێری و دبلۆماسی و پێکڤە ژیانێ و رێزگرتنا ئەوێ دی یە .
سڵاڤ ل گیانێ بلند و پیرۆزێ بارزانیێ نەمر و تەڤایا شەهیدێن کورد و کوردستانێ، سڵاڤ ل تەڤایا رێڤینگ و خەباتکار و پەیرەوکارێن رێبازا بارزانی، پشت ڕاستین لسەر دەستێ ڤێ رێبازێ و سیاسەتا سەرۆک مەسعود بارزانی، هەرێما کوردستانێ دێ بسەر هەمی پیلانێن دەستگرد زاڵ بیت و قەوارێ هەرێما کوردستانێ دێ بهێزتر و گەشەتر بیت .
لقا ٩ یا پارتی دیموکراتی کوردستان
ئێکێ ئادارا ٢٠٢٥ێ