وەزارەتا ئەوقاف و کاروبارێن ئاینی یا حکومەتا هەرێما کوردستانێ ژمارەکا رێنمایێن شەعێ و کارگێری بۆ هەیڤا رەمەزانا پیرۆز بەلاڤکرن:
رێنمایێن کارگێری:
ئێک: پێدڤییە خوارنگەهـ، کافیتریا، دکان و بازار رێزێ ل پیرۆزیا ئەڤێ هەیڤا پیرۆز بگرن و هەستێ رۆژیگران ب پارێزن.
دوو: د ئەڤێ هەیڤا پیرۆز دا چ جۆرە خوارن و ڤەخوارن ل دامودەزگەهێن فەرمی ناهێنە پێشکێشکرن.
سێ: پێدڤییە هەمی کەنالێن راگەهاندنێ تایبەتمەندی و پیرۆزییا ئەڤێ هەیڤێ ل بەرچاڤ وەرگرن و چ تشتان بەلاڤ نەکەن کو ل گەل مەزنی و پیرۆزییا ڤێ هەیڤێ نە گۆنجیت.
چوار: رێنمایێن تایبەت ب مزگەفت و مامۆستایێن ئاینی ل وەزارەتا ئەوقاف و کاروبارێن ئاینی دەرچووویە، پێدڤییە هاریکاری ل بجهئینان و پراکتیزەکرنا ناڤەرۆکێ بهێتە دان.
پێنج: هەر مەراسیمەکێ تایبەت د ئەڤێ هەیڤێ دا بهێتە ئەنجام دان ل هەمی پارێزگەهـ و ئیدارەیێن سەربەخۆ و قەزا و ناحیان، پێدڤییە دبن چاڤدێرییا وەزارەتێ، رێڤەبەریێن گشتی و رێڤەبەریێن ئەوقافێ بیت.
شەش: دخوازین ئالیێن پەیوەندیدار ل پارێزگەهـ و ئیدارەیێن سەربەخۆ سەرپەرشتی و دویڤچوونا بجهئینانان ئەڤان رێنمایان بکەن.
حەفت: هەمی کەنالێن راگەهاندنێ بەرپرسن ژ هەر نووچەیەکێ نەراست سەبارەت ب راگەهاندنا ئێکەم و دویماهی رۆژا رەمەزانا پیرۆز.
رێنمایێن شەرعی:
ئێک: دیارکرنا ئێکەم و دویماهی رۆژا رەمەزانێ ب تنێ د دەستهەلاتا لژنەیا بلند یا دیتنا هەیڤێ ل وەزارەتا ئەوقاف و کاروبارێن ئاینی دا یە.
دوو: پێگیربوونا تەمام ب ئیمساک و خشتەیێن دەمێ بانگدانێ ل هەمی مزگەفتێن هەرێما کوردستانێ و هەمی دەزگەهێن راگەهاندنێ، رادیۆ تێلەفزیۆن.
سێ: گۆتارێن پشتی نڤێژا ئێڤاری ل دووڤ لبەرچاڤ وەرگرتنا رەوشا رۆژیگرانه، 20 خۆلەکان زێدەتر نەبیت و تنێ ژ ئالیێ مامۆستایێن ئاینی ڤە بهێنە پێشکێشکرن و بکارئینانا مایکرۆفۆنا مزگەفتێ هەروەسا د ئەڤان گۆتاران دا مامۆستا دێ تەکەزیێ ئێخیتە سەر بابەتێن ئەحکام، عیبادەت و بابەتێن پەروەردەیی و هشیاریێ د بزاڤێن (روویبوویبوونا مادەیێن هشبەر + لارتێکرنا کارێکتەرێن عەقلێ+ پێکڤەژیان).
چوار: دەمێ د ناڤبەرا ئیمساک و بانگێ سپێدێ دا دێ ل گۆر خشتەیێ ئیمساکێ یێ پارێزگەهێ بیت و ب چ رەنگان نابیت کار بەروڤاژی بهێتە کرن.
پێنج: ب تەنێ ل دویماهی 10 شەڤێن دویماهی یێن رەمەزنا پیرۆز دەرگەهێن ،مزگەفتان دێ ڤەکری بن و تا نڤێژا سپێدێ، ب مەرجەکێ رازیبوونا پێشنڤێژ و گۆتارخینێ مزگەفتێ بیت.
شەش: ب تەنێ پێشنڤێژ و گۆتارخینێ فەرمی یێ مزگەفتێ دشێت مەراسیمێن ئاینی و تەراویحان ئەنجام بدەت بەرۆڤاژی بۆ چ کەسێ دروست نینە ئەنجام بدەت.
حەفت: پێگیربوونا تەمام ب فەتوا و دیارکرنا نیسابێ زەکات و رێژەیا سەرفترە و فدیان، کو ژ ئالیێ جڤاتا بلند یا فەتوا ئێکەتییا زانایێن ئاینێ ئیسلامێ کوردستانێ دهێتە دیارکرن.
هەشت: پشتی بانگێ عەیشا 15 بۆ 20 خۆلەکان پشتی هینگێ نڤێژ دێ هێتە کرن و پێدڤیە پێگیری ب دەمێ گۆنجای بهێتە کرن رەوشا رۆژیگران بهێتە کرن ژ ئالیێ درێژی و کورتییا تەراویحان ڤە کو ل سەر بنەمایێ شەرعی دهێنە کرن.
نەهـ: رێڤەبەریێن گشتی و رێڤەبەرییێن ئەوقافێ دێ چاڤدێرییا بجهئینانا ڤان رێنمایان کەن.
دەهـ: پێگیربوون ب بانگێ رێکخستی ل وان جهان یێن پرۆژەیێ بانگدانێ تێدا هاتییە دانان.