ئەڤرۆ سێشەمبی، 4 ی شواتا 2025 ێ، نێچیرڤان بارزانی، سەرۆکێ هەرێما کوردستانێ، د ڕێوڕەسمێن دەستبکاربوونا فرقا سێ و چار یا وەزارەتا پێشمەرگەیی، گۆت” پێشمەرگە ب تنێ هێزەكا سەربازی یا ئاسایی نینە، بەڵکو هەردەم هێمایێ قارەمانییێ و فیداکارییێ و پارێزەرا ئاسایشا کوردستانێ یە و پشكەكا گرنگا ناسناما مە یا نیشتمانی بوویە، هێزا پێشمەرگەیێ کوردستانێ شییا ل ژێر فەرماندەییا سەرۆک بارزانی ئەفسانەیا داعشێ تێک بشکێنیت.”
سەرۆکێ هەرێمێ گۆت ژی: پێشمەرگە ل جیهانێ بوویە سیمبولا ئازایەتییێ و جهێ شانازییا گەلێ کوردستانێ یە، دناڤا هەموو گەلێن جیهانێ، ناڤێ پێشمەرگەیی وەکو شەركەرێن قارەمان ژ پێخەمەتی پاراستنا مرۆڤایەتییێ دا دەرکەفت، دەستبکاربوونا فرقا سێ و چار دەستکەفتە بۆ کوردستانێ و پێنگاڤەكا گرنگە بۆ دروستکرنا هێزەكا نیشتیمانی یا ئێکگرتی.