سه‌رۆكێ ئه‌مریكا دۆنالد تره‌مپى گه‌فێن دژوار ل ته‌ڤگه‌ڕا حه‌ماسێ و ئوردنێ و مسرێ كرن، ئه‌گه‌ر بارمته‌یێن ئسرائیلێ نه‌هێنه ئازادكرن و مسر و ئوردن خه‌لكێ غه‌زه وه‌رنه‌گرن.
دۆنالد تره‌مپى ل كۆچكا سپى به‌رسڤا رۆژنامه‌ڤان دا و راگه‌هاند، تا نیڤرۆیا شه‌مبیا بهێت ته‌ڤگه‌را حه‌ماس هه‌مى بارمته‌یێن ئسرائیلێ ئازاد نه‌كه‌ت، دێ دۆزه‌خا ژ راستا نیشا ده‌ت.
ژ ئالیه‌كێ دى ڤه تره‌مپى گه‌ف ل مسرێ و ئوردنێ كرن و ژێ خواست خه‌لكێ غه‌زه وه‌ر‌بگرن ئه‌گه‌ر نه دێ هاریكارییان ژ وان هه‌ردو وه‌لاتان بڕیت.
تره‌مپى ل دۆر پلانا خۆ بۆ دوباره ئاڤاكرنا غه‌زه ژى راگه‌هاند، به‌رى ئه‌مریكا غه‌زه ئاڤا بكه‌ت، دڤێت خه‌لكێ غه‌زه بۆ مسرێ و ئوردنێ بچیت و ده‌مێ غه‌زه ئاڤا دبیت نابیت ڤه‌گه‌ڕن.
لسه‌ر شه‌ڕێ رۆسیا و ئۆكرانیا ژى، تره‌مپى داخۆیانیه‌كا دى یا سه‌یر دا و راگه‌هاند، دبیت رۆژه‌كێ ئۆكرینا ببیته رۆسیا.