سەرۆک بارزانی ئەڤرۆ پێشوازی ل شاندا ئیمرالییێ کر و د کۆمبوونەکێ دا سەرۆکی دوپاتی ل گرنگییا پرۆسەیا ئاشتییێ کر.
سەرۆک مەسعوود بارزانی ئەڤرۆ ل سەلاحەدین پێشوازی ل شاندەکا پارتییێن باکۆرێ کوردستانێ کر کو پەروین بۆلدان و سری سورەیا ئوندەر ئەندامێن وێ بوون و ئەو کەسن یێن پێشتر چوونە دەف عەبدوللا ئۆجالانی.
د کۆمبوونا ل گەل سەرۆک بارزانی دا، وێ شاندا پارتییێن باکۆر کو ب شاندا ئیمرالییێ دهێتە ناڤکرن، پەیاما عەبدوللا ئۆجالان، سەرۆکێ زیندانکری یێ پەکەکێ گەهاندە سەرۆک بارزانی و هزر و بۆچوونێن خۆ ل سەر پرۆسەیا ئاشتییێ دانە دیارکرن.
سەرۆک بارزانی بۆ وێ شاندێ دوپاتی ل وێ یەکێ کر کو ئاشتی تاکە رێیا دروست یا گەهشتنێ ب چارەسەرییانە و پێدڤییە هەمی ئالی بزاڤێن خۆ بۆ گەهشتنێ ب ئاشتییێ خورت بکەن و سەرۆکی ئامادەباشییا خۆ بۆ پشتەڤانییا کوردێن باکۆر بۆ گەهشتنێ ب پرۆسەیا ئاشتییێ دیارکر.