ئه‌ڤرۆ دادگه‌ها فیدرال یا ئیراقێ سكالایێن بۆ هه‌لوه‌شاندنا وه‌زاره‌تێن ئه‌وقافێ و شه‌هید و ئه‌نفالكریان یێن هه‌رێما كوردستانێ هاتینه تۆماركرن، ره‌تكرن.
ئه‌ڤرۆ، شه‌ر‌مین به‌هجه‌ت خدر، رێڤه‌به‌را كارۆبارێن یاسایی ل په‌ڕله‌مانێ كوردستانێ، د داخۆیانیه‌كێ دا راگه‌هاند، ئه‌و ژ لایێ دادگه‌ها بلندا یا فیدرالى ڤه هاتینه ئاگه‌هداركرن، سكالایێن بۆ هه‌لوه‌شاندنا دو وه‌زاره‌تێن هه‌رێمێ هاتیه تۆماركرن هاتیه هه‌لوه‌شاندن.
شه‌رمینێ گۆت ژى، وان د به‌رسڤنامه‌یا خۆ دا ئاماژه ب وێ ئێكێ ژى دابوو، ئه‌ڤ پرسه نه ژ تایبه‌تمه‌ندیا دادگه‌ها فیدرالن و نه پرسه‌كا ده‌ستوورى یه داكو ئه‌ڤ دادگه‌هه بڕیارێ لسه‌ر بده‌ت.
وه‌زاره‌تا شه‌هید و ئه‌نفالكریان، ل گۆره‌ى یاسایا ژماره 8 یا سالا 2006ێ هاتیه دامه‌زراندن، وه‌زتاره‌تا ئه‌وقافێ ژى هه‌ر ل گۆره‌ى یاسایێن په‌ڕله‌مانێ كوردستانێ هاتیه پێكئینان.