سەرپەرشتێ عەلوا هەڤچەرخا ئاکرێ دیار کر، بریارە پشتی چەند رۆژێن دی دووەم مەزنترین عەلوا هەڤچەرخا قەزا ئاکرێ ئەوا ژ لایێ مەسرور بارزانی سەرۆکێ حکۆمەتا هەرێما کۆردستانێ بەرێ بنیاتی بۆ دانای، بهێتە ڤەکرن و هەمی دوکاندارێت هەرسێ قەزایێت ئاکرێ و بەردەڕەش و شێخان ئەوێن تایبەت ب عەلوا و فێقی و کەسکاتی دێ ل ڤێ عەلوا هەڤچەرخ مفاداربن.
نزار غازی سەرپەرشتێ عەلوا هەڤچەرخا قەزا ئاکرێ راگەهاند، ئەڤ عەلوە ب کۆژمێ 22 ملیۆن دۆلارایە کۆ ژ لایێ مەسرور بارزانی بەرێ بنیاتی بۆ دانابی، بریارە پشتی چەند رۆژێن دی ئەو هەمی دۆکاندار و بازرگانێت جهێن دی چ یێت عەلوابن یان فێقی یان کەسکاتی بهێنە ڤێرە دۆکانێت خۆ و کارێن خۆ یێن بازرگانی دەست پێبکەن، ئەمژی دێ باشترین شێوە هاریکاربین.