سەرۆكێ كۆریا باكوور كیم جونگ ئون هژمارەكا یاسایێن نوو بۆ سزادانا هەڤژینێن بەردایی دەرئێخستن وەك سزایەك بۆ پاقژكرنا وان ژ كریارا بەردانێ.
روژناما زە سەن یا بریتانی دیاركر : سەرۆكێ كۆریا باكوور هندەك برگەیێن نوو یێن یاسایی دەرئێخستن، كو ل ناڤەرۆكا وێ یاسایێ دڤێت ئەو ژن و زەلامێن بەردان ل ناڤبەرا وان دا هاتییە ئەنجام دان، بۆ هندەك جهێن دوور و تایبەت یێن كاركرنێ د وەلاتیدا بهێنە هنارتن و دێ بۆ دەمێ 6 هەیڤان ل وی جهی كاركەن، ئەڤەژی سزایەكە بۆ پاقژكرنا وان ژ وێ كریارێ.
هەروەسا كیم جونگ ئون گۆتییە كو بەردان كارەكە ب دۆژمنێ كومنیستێ دهێتە هژمارتن دڤێت ئەڤە بهێتە بنبركرن.
لدووڤ یاسایا بەرێ، ئەگەر لایەنەكێ ژ ژن یان زەلامی داخوازا بەردانێ كربا دا هێتە سزادان، ئەگەر خۆ تووشی ئەشكەنجەدانا خێزانیژی بووبیتن.
پشتی راستڤەكرنا یاسایێ ئەگەر بەردان بهێتە ئەنجام هەردوولایەن دێ هێنە سزادان، ژ 2020ێ و هەتا نوكە بەردان هەر د زێدەبوونێ دایە ، ژ ڤی ئەگەری كوریا نەچاربوویە كەسێن پسپور ل ناڤ جڤاكیدا بەلاڤ بكەن بۆ هشیاركرنا وان و تایبەتی ژی تەخا ئافرەتێ كو داخوازا بەردانێ نەكەت.