ل ئیراقێ د سالڤەگەرا کوشتنا سلێمانی و موهەندسی دا ل پترییا پارێزگەهان بێهنڤەدانا فەرمی یە و ل ئیرانێ ب هزاران کەس بەرەڤ گۆڕێ سلێمانی دچن.
ل رۆژا 3-1-2020ێ ئەمریکا ب فرۆکەیەکا بێی فرۆکەڤان قاسم سلێمانی، فەرماندارێ فەیلەقا قودس یا سوپایێ پاسدارێن ئیرانێ و ئەبۆ مەهدی موهەندس، سەرۆکێ دەستەیا حەشدا شەعبی ل ئیراقێ، ل فرۆکخانەیا نێڤدەولەتی یا بەغدا کرنە ئارمانج و هەردو کوشتن.
سالانە ل ئیراقێ و ئیرانێ د سالڤەگەرا کوشتنا موهەندسی و سلێمانی دا چالاکی دهێنە کرن، لێ ژبەر کو ئەڤ سالە ئەو رۆژ دبیتە ئەینی، ل هەمی پارێزگەهێن ئیراقێ ژبلی نەینەوا و ئەنبار، ئەڤرۆ رۆژا پێنجشەمبی بوویە بێهنڤەدانا فەرمی و خەلک دچیتە سەر گۆڕا ئەبۆ مەهدی موهەندسی.
ل ئیرانێ ژی، هەر ژ ئەڤرۆ ب هزاران کەس چووینە باژێڕێ کرمان و ل وێرێ دچنە سەر گۆڕێ قاسم سلێمانی.