1. رەفتارا نوکە یا بەغدا بەرامبەر هەرێما کوردستانێ، زۆردار و نەدادپەروەرە و ناهێتە قەبوولکرن.
2. ئەڤ مامه‌لا نوکە یا بەغدا ل گەل هەرێما کوردستانێ، نە مامه‌لا کیانەکێ فیدرالییە" بەغدا وەکو پارێزگەهەکێ، بەلکو بچووکتر ژی، مامەلێ دگەل هەرێما کوردستانێ دکەت.
3. دڤێت پەیوەندییێن هەولێر و بەغدا راست بکەین؛ دەستورەک یێ هەیی و دڤێت پێ پابەند بین" دڤێت د ساڵا 2025 ێ" دا تشتەکی وەسا بکەین کو خەلکێ مە ژ ڤێ نیگەرانیا دەروونی دەرکەڤیت.
4. خەلکێ مە نە موستەحەقێ هندێیە ب ڤی رەنگی مامه‌له ل گەل بهێتە کرن؛ خەلکێ کوردستانێ موستەحەقێ هندێیە رێز ل خەبات و قوربانیدانا وی بهێتە گرتن" وەکو هەموو خەلکێ دی یێ عیراقێ.
5. ئەم داخوازا وەکهەڤی و مافێن خۆ یێن دەستوری (ژ بەغدا) دکەین" دڤێت هەموو بزاڤێن خۆ بکار بینین داکو بشێین کێشە و گرفتان راست بکەین.
6. دادگەها فیدرالی، ب تنێ د بەرژەوەندییا حکومەتا فیدرالی دا بریار دەرئێخستینە، هەر دەمێ ڤییا بریارەکێ د بەرژەوەندییا خەلکێ هەرێما کوردستانێ دا دەربێخیت، ئاستەنگ بۆ هاتینە دروستکرن.
7. نابیت ئەم هەمی کێشەیێن خۆ کورت بکەین ب تنێ د بابەتێ موچەییدا" ب مخابنی ڤه" بەغدا ب سیاسەتەکا سەرکەفتی شیایە کێشەیێن مە بچووک بکەت.
8. مادێ 140 هێشتا نەهاتییە بجهئینان" بابەتێ دەڤەرێن دابرایی ژ هەرێما کوردستانێ چارەسەر نەبوویە" بابەتێ پێشمەرگەیی هێشتا وەکو پێدڤی چارەسەر نەبوویە" بابەتێ قەرەبوویا قوربانیێن ئەنفال و قوربانیێن رژێما بەرێ، هەمی هاتینە ژبیرکرن.
9. پێدڤییە بەرامبەر بەغدا، ئێکگرتی و ئێکدەنگ بین.
10. 100 سالە کوردستان قوربانییێ ددەت، ژ بۆ موچەیی بوویە یان ژ بۆ ناسنامێ، ئاخ، نیشتیمان، وەکهەڤی و ئازادی بوویە؟