بنگەهێ چاڤدێریا بازرگانی ل ئاکرێ ئامارا کار و چاڵاکی یێن ساڵا ٢٠٢٤ێ بەلاڤکرن.
شهاب یاسین" بەرپرسێ بنگەهێ چاڤدێرییا بازرگانی ل ئاكرێ بۆ ئاکرێ نیوز دیارکر كو د ئەڤ ساڵەدا (۱)تەن و (۹۰۱) کگم كەل و پەلێن هاتینە ژناڤبرن، ژ وان (٤۲۰) کگم دەرمان بوون، زێدەباری ماست وهێک و گۆشتێ سپی و سۆر و مێلاكا مریشكێ یا قەدەغەكری.
هەر وەها دیارکر، کو د ئەڤێ ساڵێ دا، د (٢٠٤) دەرکەفتنان دا (۲٨۹٨) جهـ هاتینە سەرەدانکرن، ژ وان (٤٠) دەرگەفتن ژلایێ چاڤدێرێن جوانکاریان و فرۆشتگەهێن جوانکاریان(کمالیات)، کو تێدا(٥٦٨) جوانکاری و فرۆشتگەهێن جوانکاریان هاتینە سەرەدانکرن ، هەر وەها (۲۱٤) جهان هۆشداری پێ هاتییە دان و (۱۰) جهـ هاتینە سزادان و سەرجەمێ سزایان (۹۰۰٫۰۰۰)نەهـ سەد هزار دیناربووینە.
تێزانین ئەو كەل و پەل ژ لایێ بنگەهێ چاڤدێرییا بازرگانی و لیژنا چاڤدێرییا جوانکاریان هات بوون وەرگرتن و دەست بسەرداگرتن، لەورا ژی سوپاسی يا كارمەند و چاڤدێرێن چاڤدێرییا بازرگانی كر، ژ بۆ ئەرك و ماندیبونا وان و چاڤدێرییا بەردەوام یا بازاری، پێخەمەت پاراستنا ساخلەمییا گشتی یا هەڤوەلاتییان ل سنورێ ئاكرێ.
هەر وەها سۆپاسییا وان فروشگەهـ و دەرمانگەهـ و دەرمانخانەیان ژی كر، ئەوێن كەل و پەل و دەرمانێن خوە یێن دەم بسەرڤەچوویی رادەستی چاڤدێرێن بنگەهێ چاڤدێرییا بازرگانی کری.