ميديايا توركيا به‌لاڤكریه داخوازییا ده‌م پارتى بۆ كۆمبوونا ل گه‌ل عه‌بدوللا ئۆجه‌لان هاتییه په‌سه‌ندكرن و ئه‌ڤرۆ یان سوبه‌هى شاندێ وێ پارتێ دێ چیته ئیمرالى و ل گه‌ل ئۆجه‌لانى كۆمبیت.
رۆژنامه‌یا سه‌باح یا توركی ئه‌ڤرۆ پێنجشه‌مبی راگه‌هاند، داخوازییا ده‌م پارتى بۆ دیتنا عه‌بدوللا ئۆجه‌لانى هاتییه په‌سه‌ندكرن و شاندێ ده‌م پارتى ژ سرى سووره‌یا ئۆندره و په‌روین بۆلدان پێك دهێت
پێشتر ده‌وله‌ت باخچه‌لى، سه‌رۆكێ پارتا نه‌ته‌وه‌په‌رست یا توركیا داخواز كربوو عه‌بدوللا ئۆجه‌لان بهێته په‌ڕله‌مانى و ل هه‌مبه‌رى فراكسیۆنا خۆ پارتا كاركه‌رێن كوردستانێ هه‌لوه‌شینیت.
رۆژنامێ پێنگاڤا ده‌م پارتى ب ئه‌رێنى دیتییه پشتى داخوازییا سه‌رۆكێ مه‌هه‌پێ كو خواستبوو رێ بهێته دان ده‌م پارتى و عه‌بدوللا ئۆجه‌لان كۆمببن و دوماهیێ ب ناكۆیێن ل گه‌ل كوردان بینن.