ئه‌ڤرۆ سپێدێ رۆژا دووشه‌مبى 18 /چریا دووێ /2024 ێ " د.عه‌لى ته‌ته‌ر" پارێزگارێ دهۆكێ سه‌رپه‌رشتیا كۆمبوونا لیژنا بلند یا ئه‌منى یا سه‌رژمێریا گشتى ل پارێزگه‌هێ كر.
دكۆمبوونێدا به‌حسێ گرنگیا پروسا سه‌رژمێریا گشتى وپشكداریكرنا كارا یا هاولاتیان ودوماهى كاروبه‌رهه‌ڤیێن بژمێر وتیمێن سه‌رژمێریێ ورێنمایێن گشتى ل دۆرئه‌نجامدانا پروسا سه‌رژمێریێ ب گشتى هاته كرن.
پارێزگارێ دهۆكێ دوپاتكر كۆ ئه‌ڤ سه‌رژمێرى یه زۆر یا گرنگه وئه‌ركه‌كێ نیشتمانى ونه‌ته‌وه‌یى یه ودڤێت هه‌موو هاولاتى پشكداریه‌كا كارا وبه‌رچاڤ تێدا بكه‌ن و چ سستى دئه‌نجامدانا وێ دا نه‌هێته كرن وداخاز ژپشكدارێن كۆمبوونێ كر هاندانا هاولاتییان بكه‌ن وهه‌موو ئاسانكارى بۆ بژمێر وتیمێن سه‌رژمێریێ بهێنه كرن بۆ وێ یه‌كێ ئه‌ڤ پروسا گرنگ سه‌ركه‌فتیانه بهێته ئه‌نجامدان وپشته‌ڤانیا پارێزگه‌هێ نیشان دا بۆ هه‌ر هاریكاریه‌كێ .
پاش دان وستاندن ل دور بابه‌تێ سه‌رژمێریا گشتى هاتنه كرن وچه‌ندین پسیار وپێشنیار هاتنه ئاراسته‌كرن بۆ وێ یه‌كێ ل رۆژێن 20و21 ڤێ مه‌هێ پروسا سه‌رژمێریێ ب رێك وپێكى وسه‌ركه‌فتیانه بهێته ئه‌نجامدان.