شاندەکا پارتی دیمۆکراتی کوردستان ئەڤرۆ دێ ل سلێمانییێ ل گەل ئێکەتییا نشتیمانی کۆم بیت و دانوستاندنان ل دۆر پێکئینانا کابینەیا دەهێ یا حکومەتا هەرێما کوردستانێ کەن.
شاندەکا پارتی دیمۆکراتی کوردستان ئەڤرۆ چوویە سلێمانییێ و دێ ل دەباشان ل گەل بەرپرسێن ئێکەتییا نشتیمانی کۆم بیت و دانوستاندنێن پێکئینانا حکومەتێ دێ هێنە کرن. پارتى دخوازیت كابینه‌یا نوى ل سه‌ر بنه‌مایێ ئێك حكومه‌ت و ئێك هێزا پێشمه‌رگه‌ى و ئێک هەرێم و ئێک پەرلەمان بیت و ل سەر ڤی بنەمای دانوستاندنان ل گەل ئالییێن سیاسی دکەت.
سێشه‌مبیا بۆرى دلشاد شه‌هاب، په‌یڤدارێ سه‌رۆكاتیا هه‌رێما كوردستانێ د کۆنگرەیەکێ رۆژنامه‌ڤانى دا راگه‌هاند: ب فه‌رمانا نێچیرڤان بارزانى، سه‌رۆكێ هه‌رێما كوردستانێ رۆژا دوشه‌مبیا بهێت 2ى كانوینا ئێكێ بۆ ئێكه‌م روینشتنا خولا 6 یا په‌ڕله‌مانێ كوردستانێ هاتیه دیاركرن.