ل سەرتاسەری جیهانێ رێژەیا کەسێن تووشی نەخۆشییا شەکرێ دبن زێدە بوویە و ٪50 یا تووشبوویان چ چارەسەرییان وەرناگرن.
ئاژانسا رۆیتەرز ل گۆرەی هندەک دویڤچوون و راپرسییێن تایبەت و ڤەکۆلینەکێ کو ل کۆڤارا "The Lanset" بەلاڤبوویە، راگەهاند: ل سەرتاسەری جیهانێ 828 ملیۆن کەسێن ژییێن وان د سەر 18 سالییێ دا تووشبوویێن نەخۆشییا شەکرێ نە ژ جۆرێن ئێک و دو.
ژێدەری دیار ژی کر: نێزیکی ٪50 یا وان تووشبوویان چ چارەسەرییان وەرناگرن و رێژە ژ دەڤەرەکێ بۆ دەڤەرەکا دی و ژ وەلاتەکی بۆ وەلاتەکێ دی جودایە. ل هندەک دەڤەرێن ئەفریقیا، بتنێ ب رێژەیا 5 تا 10٪ چارەسەرییان وەردگرن.
ل گۆرەی ئامارێن رۆیتەرز، ژ سالا 1990ێ تا سالا 2022یێ رێژەیا تووشبوونێ ب نەخۆشییا شەکرێ ژ ٪7 بۆ ٪14 زێدەبوویە