ب سه‌رپه‌رشتیا سه‌رۆك مه‌سعود بارزانى، كۆمیته‌یا ناڤه‌ندى یا پارتى كۆمبوو و چه‌ندین ته‌وه‌ر هاتنه باسكرن.
د ته‌وه‌رێ ئێكێ یێ كۆمبوونێ دا، ب درێژى دانوستاندن ل دۆر هه‌لبژارتنێن په‌رله‌مانێ كوردستانێ هاتنه كرن و راگه‌هاند، سه‌ره‌ڕاى هه‌بوونا هنده‌ك تێبینیان، لێ پرۆسه‌یا هه‌لبژارتنان یا سه‌ركه‌فتى بوو.
د ته‌وه‌ره‌كێ دى دا، باسێ راگه‌هاندنێ و بانگه‌شه‌یا میدیایى هاته كرن و تێدا هاتیه: راگه‌هاندنا پارتا مه ب به‌رپرس و كادران و میدیاكارێن ده‌زگه‌ه و ناڤه‌ند و كه‌نالێن ته‌له‌ڤزیۆنان، رادیۆ، سۆشیال میدیا، مالپه‌ڕ و رۆژنامه و گۆڤاران ڤه، رۆله‌كێ به‌رچاڤ د پرۆسه‌یا هه‌لبژارتنان دا هه‌بوو. هه‌م ژ ئالیێ هشیاركرنا جه‌ماوه‌رى و گه‌هاندنا رێنمایێن پێدڤى و په‌یاما پارتیا مه، هه‌م ژى ژ ئالیێ به‌رسڤدانا گۆتنێن نه‌دروستێن نه‌حه‌زان ڤه. هه‌ڤال و راگه‌هاندنكارێن مه ب شێوزاه‌كى شارستانى و دوور ژ تێكدانا ئاسایشا جڤاكى و دلته‌نگكرنا خه‌لكێ كوردستانێ كار دكر.
هه‌روه‌سا باسێ په‌یوه‌ندیێن پارتى، پێكئینانا كابینه‌یا حوكه‌تێ و كێشه و گرفتێن ده‌نگدانێ د چه‌ند ته‌وه‌ران دا هاته كرن.