غیاس خالد زێبارى
رۆژا 6 ێ چریا ئێكێ دوو روودانێن مه‌زن و دیرۆكیینه د دیرۆكا گه‌لێ كورد و بزاڤا رزگاریخوازیا كوردستانى دا ، ئه‌ڤ دو رۆژه ژلایێ سایكۆلۆژى هه‌ڤدژ بوون، لێ هه‌ردو مینا مینا راپرسى و پێدانا باوه‌ریا خه‌لكێ ئیراقێ و كوردستانێ بوون بۆ رێبه‌رێ گه‌لێ كورد نه‌مر ملا مسته‌فا بارزانى و پارتى دیموكراتى كوردستان ، یا ئێكێ مینا جه‌ژنه‌كا نه‌ته‌وه‌یى و نشتیمانیا سه‌رتاسه‌رى بوو ل ده‌مێ خه‌لكێ ئیراقێ و كوردستانێ ل رۆژا 6 چریا ئێكێ یا سالا 1958 ب هه‌مى ته‌خ و چین و ئۆل و ئه‌تن و ئایین پێشوازیا مه‌لا مسته‌فایێ بارزانى وه‌كى رێبه‌رێ گه‌لێ كورد و كوردستانی و ئێك ژ كه‌سایه‌تیێن مه‌زن و ناڤدارێن ئیراقێ كرى پشتى 11 ساڵێن په‌نابه‌ریا نه‌چارى ل ئێكه‌تیا سۆڤیه‌تا به‌رێ ب رێز و سه‌ربلندى و فه‌رمى ڤه‌گه‌ریاڤ كوردستان وئیراقێ و ب ئاشكرا ده‌ست خه‌باتا نشتیمانى و نه‌ته‌وه‌یى كرى بۆ دابینكرنا مافێن ره‌وا یێن خه‌لكێ كوردستانێ و چه‌سپاندنا دادوه‌ریێ و وه‌كهه‌ڤیێ دناڤبه‌را هه‌مى پێكهاتێن ئیراقێ بن سێبه‌را ده‌ستهه‌لاته‌كا دیموكراسی و ده‌ستوورى . یا دیتر هه‌ما رۆژ ل سالا 1993 ده‌مێ ڤه‌گه‌راندنا رۆفاتێ بارزانیێ نه‌مر و كاك ئیدریسێ هه‌رده‌م ل رۆژهه‌لاتێ كوردستانێ بۆ بارزانا لاندكا شۆره‌ش و قه‌هره‌مانیان كۆ هه‌ر ل رۆژهه‌لاتا كوردستانێ بۆ سلێمانیێ هه‌تا بارزان ب كه‌رناڤالێن جه‌ماوه‌ریێن بێ وێنه ب رژاندنا رۆندكێن خه‌مناكیێ و بلندكرنا درۆشمێن نه‌ته‌وه‌یى و نشتیمانى د پێشوازیێ دابوون، خه‌لكێ كوردستانێ و ئیراقێ د ڤان هه‌ردوو رۆژێن جودا و ژێك دوور مینا راپرسیا باوه‌رى دایه بارزانى نه‌مر و پارتى دیموكراتى كوردستان كو پێشه‌نگ و پێشه‌وایێن خه‌باتا دیموكراسى و دابینكرنا مافێن خه‌لكى نه ل ئیراقێ و كوردستانێ و پاشه‌رۆژا خه‌لكێ كوردستانێ ب وانڤه یا كرێدایى یه ، هه‌بوونا وان هه‌بوونا ده‌ستكه‌فت و ئازادیێ و به‌خته‌وه‌ریێ و ئاڤه‌دانیێ و دادوه‌ریێ و وه‌كهه‌ڤیێ یه و مۆرك و پیرۆزیێن نه‌ته‌وایه‌تى ب وان دهێنه پاراستن، نهۆ ده‌مێ بیرهاتنا ڤان هه‌ردوو روودانا دكه‌ین، هه‌رێما كوردستانێ د هه‌وه‌كا گه‌رما بانگه‌شه‌یا هه‌لبژارتنێن په‌رله‌مانێ كوردستانێ دا كۆ پارتى دیموكراتى كوردستان هه‌لگرا لیستا ژماره ( 190 ) ه ، پێتڤى یه خه‌لكێ كوردستانێ ب هه‌مان وێ هه‌ستا باب و پارێرێن مه ب ڤه‌گه‌ریانا بارزانى نه‌مر ل ئێكه‌تیا سۆڤیه‌تا به‌رێ و وێ پێشوازیا ل جه‌نابێ وى هاتیه كرن و وێ هه‌ستا نه‌ته‌وى و نشتیمانیا خه‌لكێ سه‌رانسه‌رێ كوردستانێ ل رۆفاتێ بارزانى نه‌مر و كاك ئدریسێ هه‌رده‌م ساخ كرى ل سالا 1993 و هه‌مان سۆز و وه‌فادارى پشكداریێ ل هه‌لبژارتنێن داهاتى یێن په‌رله‌مانێ كوردستانێ بكه‌ت و ده‌نگى ب لیستا 190 یا پارتى بده‌ت چونكى لیستا پارتى به‌رده‌وامیا هه‌ما پرنسیپ و رێبازا كوردایه‌تیێ یه ئه‌وا بارزانى نه‌مر لسه‌ر چووى و گه‌لێ كورد و كوردستانى گه‌هاندینه ڤێ قۆناغا ئه‌ڤرۆ ئه‌م تێدا، لیستا پارتى یا 190 به‌رهه‌مێ وان كه‌رنه‌ڤالێن 6 ێ چریا ئێكێ نه یێن سالێن 1958 و 1993 ، پێشه‌وایێن ڤێ لیستێ پێشه‌وایێن پاراستن و مانه‌ڤه و پێشڤه‌برنا قه‌وارێ هه‌رێما كوردستانێ ژلایێ سیاسى و ئاڤدانى و ئێمناهى و سه‌قامگیرى ، ته‌حه‌دایێن وان هه‌مى ئاریشه و ئاسته‌نگێن دوژمن و نه‌یاریێن ناڤخوه دكه‌ن ژ پێخه‌مه‌ت پاراستنا ماف و شایستێن خه‌لكێ كوردستانێ و دانانا ژێرخانه‌كا بهێز ژلایێ ئابوورى و پیشه‌سازى و سیسته‌ماتیك و پارستنا بهاى و پیرۆزیێن خێزان و جڤاك و كلتوورێ كوردستانێ .