سه‌رۆكوه‌زیرێن ئیراقێ راگه‌هاند، دڤێت هه‌لبژارتنێن 20-10 ب هێمنى و پاقژى بهێنه‌كرن و گره‌نتییا پاراستنا ده‌نگێن ده‌نگده‌ران بهێته‌كرن.
محه‌مه‌د شیاع سوودانى، سه‌رۆكوه‌زیرێن ئیراقێ ل گه‌ل جڤاتا كۆمیسیاران ل كۆمسیۆنا بلندا سه‌ربه‌خۆ یا هه‌لبژارتنان كۆمبوو و راگه‌هاند، بۆ بجهئینانا خواستا وه‌لاتیێن هه‌رێما كوردستانێ پێدڤیه هه‌لبژارتنێن 20-10 یێن په‌ڕله‌مانێ كوردستانێ ب هێمنى و پاقژى بهێنه‌كرن.
د كۆمبوونێ دا به‌حس ل ئاماده‌كاریێن كۆمسیۆنێ، بۆ برێڤه‌برنا هه‌لبژارتنێن په‌ڕله‌مانێ كوردستانێ هاته كرن و ته‌مامكرنا سه‌رجه‌م رێكارێن پێدڤى بۆ برێڤه‌برنا وى كارێ دیمۆكراسى بگرنه به‌ر.
هه‌روه‌سا سوودانى د كۆمبوونێ دا دوپاتكریه، حكومه‌ت پشته‌ڤانیێ ل بزاڤێن كۆمسیۆنێ دكه‌ت و هه‌موو پێدڤیێن پرۆسه‌یا هه‌لبژارتنان ژى دابین دكه‌ت.
سه‌رۆكوه‌زیری ئاشكراكر، پێدڤیه كۆمسیۆن و كارمه‌ندێن وێ بزاڤێن ته‌مام بكه‌ن بۆ برێڤه‌چوونا هه‌لبژارتنان و پشتبه‌ستن ب بێلایه‌نى و پاقژى و هێمنى و بۆ بجهئینانا دادپه‌روه‌یێ د هه‌لبژارتنان دا، كو گره‌نتییا پاراستنا دەنگێ دەنگده‌رى بهێته‌كرن د هه‌لبژارتنه‌كا ئازاد و پاقژ دا كو خاستا خه‌لكێ كوردستانێ جهـ بینیت