رێڤه‌به‌رێ ئوفیسا دهۆك یا كۆمیسۆنا بلندا سه‌ربه‌خۆیا هه‌لبژارتنان ڕاگەهاند، هه‌مى ئاماده‌كارى بۆ هه‌لبژارتنان ل رۆژا 20/10/2024ێ ل دهۆكێ هاتینه كرن، نوكه كارتێن بایومه‌ترى ب سەر دەنگدەران دهێنە دابەشکرن".
خالد عه‌باس، رێڤه‌به‌رێ ئوفیسا دهۆك یا كۆمیسۆنا بلندا سه‌ربه‌خۆیا هه‌لبژارتنان راگه‌هاند، 41 بنگه‌هـ هاتینه ڤه‌كرن و به‌رده‌وام كارتێن بایومه‌ترى دابەش دكه‌ن هه‌تا نوكه ب رێژا 98% كارتێن بایومه‌ترى ب سه‌ر ده‌نگده‌ران هاتینه دابەشکرن و 21 هزار كارت ماینه ئه‌وژى به‌رده‌وام ب سه‌ر ده‌نگده‌ران دهێنه دابەشکرن هه‌تا رۆژا 17 / 10 / 2024ێ دابەشکرنا كارتێن بایومه‌ترى دێ ب سه‌ر ده‌نگده‌ران ل سنورێ پارێزگه‌ها دهۆكێ یا به‌رده‌وام بیت".
ئاشكرا ژى كر، كۆ پێدڤیه ده‌نگده‌ر كارتا خۆ یا بایومه‌ترى وه‌ربگریت هه‌تا بشێت رۆژا ده‌نگدانێ ده‌نگی پێ بده‌ت هه‌روه‌سا كارتا بایومه‌ترى پێدڤیه وێنه‌یێ ده‌نگده‌ری ل سه‌ر هەبیت ئەگەر وێنه ل سه‌ر كارتا بایومه‌ترى نه‌بیت ده‌نگده‌ر نه‌شێت به‌شداریێ د هه‌لبژارتناندا بكه‌ت".