سه‌رۆك بارزانى په‌یامه‌ك ب هه‌لكه‌ڤتا 36 سالییا ئه‌نفالا بادینان به‌لاڤكر و تێدا دیاركر، ئارمانجا ڤان توانێن ڕژێما پێشتر یا عیراقێ شكاندنا ئیراده‌یا گه‌لێ كوردستانێ بۆ پشته‌ڤانیكرنا شۆره‌شێ و درێژه‌پێدان ب سیاسه‌تا گوهۆرینا دیموگرافیا كوردستانێ بوو، پێدڤییه ده‌وله‌تا عیراقێ قه‌ره‌بوویا جینۆساید و تاوان و هه‌موو وان سته‌مان بكه‌ت یێن دژى ملله‌تێ كورد كرین.
سه‌رۆك بارزانى د په‌یاما خۆدا دیاركر، 36 سالان به‌رى نوكه و ل 25ى ته‌باخا 1988 هه‌تا شه‌شى ئه‌یلولا 1988، د درێژاهییا تاوانێن ڕژێما عیراقێدا ب دژى خه‌لكێ كوردستانێ، پشكه‌كا مه‌زن یا ده‌ڤه‌رێ و گوندێن ده‌ڤه‌را بادینان، ژلایێ هێزێن ڕژێما وى ده‌مییا عیراقێڤه كه‌ڤتنه به‌ر پێلا نه‌مرۆڤانه یا كیمیابارانكرن و گرتن و كوشتن و ڕاڤه‌گۆهاستن و ئه‌نفالان وه‌لاتییێن بێ تاوان.
هه‌روه‌سا ئاماژه ب هندێ دا، ژ ئه‌نجامێ وێ تاوانێ ب هزاران وه‌لاتییێن كوردستانێ شه‌هید و بێ سه‌روشوین و ئاواره‌بوون و ب سه‌دان گوند ژى چۆلبوون، ئارمانجا ڤان توانێن ڕژێما پێشتر یا عیراقێ شكاندنا ئیراده‌یا گه‌لێ كوردستانێ بۆ پشته‌ڤانیكرنا شۆره‌شێ و درێژه‌پێدان ب سیاسه‌تا گوهۆرینا دیموگرافیا كوردستانێ بوو.
سه‌رۆك بارزانى د دڕێژاهییا په‌یاما خۆدا ئاشكراكر، ل سالیادا ئه‌نفالا بادینان سلاڤان بۆ گیانێ پاقژێ شه‌هیدێن وێ تاوانێ و هه‌موو شه‌هیدێن كوردستانێ دهنێرن، ب توندى پێداگرییێ ل سه‌ر مافێن ڕه‌وایێن گه‌لێ كوردستانێ دكه‌ن، نابیت ئه‌ڤ تاوانه بهێنه ژبیركرن و پێدڤییه ده‌وله‌تا عیراقێ قه‌ره‌بوویا جینۆساید و تاوان و هه‌موو وان سته‌مان بكه‌ت یێن دژى ملله‌تێ كورد كرین