ئاکرێ نیوز
ئه‌ندامەكێ ده‌سته‌یا کارگێڕی یا مەکتەبا سیاسیی یا پارتی رادگەهینیت، بڕیارا دیرئێخستنا سێ پارتێن نزیك ل په‌كه‌كێ ل هه‌ڵبژارتنێن په‌رله‌مانێ كوردستانێ، کارەکێ راست و ژیرانه بوو و هه‌ر سێ حزب فاكته‌رێ نەسه‌قامگیری و ئاژاوه‌گێریێ بوون.
هشیار زێباری ئه‌ندامێ دەستەیا کارگێڕی ل مەکتەبا سیاسی یا پارتی دیموکراتی کوردستان ل تۆڕا کۆمەڵاتی یا ئێکس بەلاڤکر، بڕیارا دەستەیا دادوەری ل کۆمیسیۆنا بلندا سەربخۆیا هەڵبژارتنان ژبۆ قەدەغەکرنا سێ حزبێن کوردی سەر ب پەکەکێ ڤە ل هەڵبژارتنێن هەرێما کوردستان، بڕیارەکا ڕاست و ژیرانە بوو، چونکی بووینە شانەیەکا شیرپەنجێ ل جەستەیێ هەرێما کوردستانێ و هەموو عێراقێ دگەلدا ژی فاکتەرێ نەسەقامگیری و و ئاژاوە گێڕیێ نە.
ده‌سته‌یا دادوه‌ریا هەڵبژاردتنێن سەر ب جڤاتا بلندا دادوەری ل عێراقێ سەر ب فەرمانگەها کاروبارێن حزب و ڕێکخراوێن سیاسی ل چه‌ند رۆژێن رابوری بڕیار دا سێ حزبێن سه‌ر ب په‌كه‌كێ ڤە هەلوەشینن و بارەگایێن وێ دابێخن و دەست بسەر کەلوپەل و بارەگایێن وانا دا بگرن.