سەرۆکێ هەرێما کوردستانێ جەژنا چلێ هاڤینێ ل ئێزدییان پیرۆز کر و راگەهاند: ئەو دێ هەر پارێزڤان و پشتەڤانێ ماف و داخوازییێن وان بیت.
نێچیرڤان بارزانی، سەرۆکێ هەرێما کوردستانێ ئەڤرۆ د پەیامەکێ دا نڤیسییە: جەژنا چلێ هاڤینێ یا خویشک و برایێن مە یێن ئێزدی، ب گەرمی ل میر و جڤاتا رۆحانی یا ئێزدییان و هەمی ئێزدییێن کوردستانێ و ئیراقێ و هەر جهەکێ جیهانێ، پیرۆز دکەم و هیڤیدارم جەژنەکا ئارام و تەنا دەرباز بکەن.
سەرۆک نێچیرڤان بارزانی د وێ پەیامێ دا پشتەڤانییا خۆ بۆ ئێزدییان دوپات کرییە و راگەهاندییە: ئەو وەلاتییێن ئێزدی پشتراست دکەت کو وەک هەرجار ئەو دێ پارێزڤان و پشتەڤانێ ماف و داخوازییێن وان بیت و یا ژ وان بهێتە د هەر وارەکی دا دێ خزمەتا ئیزدییان کەن.