حکومەتا هەرێما کوردستانێ دەست ب دابەشکرنا فۆرمێن پارچەیێن ئەردی بۆ خانەنشینان کر و هەر کەسێ مەرج ژێ بگرن، دێ پارچەیەکا ئەردی وەرگریت.
حکومەتا هەرێما کوردستانێ ئەڤرۆ راگەهاند: ل هەموو بەنکێن خانەنشین مووچەیان لێ وەردگرن، ئەڤرۆ رۆژا دوشەمبی دەست ب دابەشکرنا فۆرمێن وەرگرتنا پارچەیێن ئەردی هاتییە کرن و هەر خانەنشینەک دشێت ل وێ بەنکا مووچەی ژێ وەردگریت، فۆرما وەرگرتنا پارچەیا ئەردی وەربگریت، پڕ بکەت و پاشی بۆ هەمان بەنک ڤەبگەڕینیت.
هەر خانەنشینەکێ پێشتر ژ حکومەتا هەرێما کوردستانێ مفادار نەببیت و مەرجێن وەرگرتنا پارچەیا ئەردی ژێ بگرن، دشێت فۆرمێ پڕ بکەت و هەر دەما فەرمانبەران پارچەیێن ئەردی وەرگرتن، خانەنشین ژی دێ وەرگرن.