ئه‌ڤرۆ پێنجشه‌مبێ سه‌رۆك مه‌سعوود بارزانى ل گه‌ل پشكه‌ك ژ رێكخستنێن سنۆرێن لق و ناوچه‌یێن پارتى كۆمبوو و راگه‌هاند، خه‌باتا كادرێن پارتى ئامرازه بۆ خزمه‌تا خه‌لكێ كوردستانێ.
باره‌گه‌هێ بارزانى به‌لاڤكریه، ئه‌ڤرۆ پێنجشه‌مبێ 11-7-2-2024ێ ل هه‌ولێرێ سه‌رۆك مه‌سعوود بارزانى، ل گه‌ل پشكه‌ك ژ ئاستێن جودا یێن رێكخستنێن سنۆرێ لق و ناوچه‌یێن پارتى دیمۆكراتى كوردستان كۆمبوو.
د كۆمبوونێ دا سه‌رۆك بارزانى سوپاسییا خه‌بات و ماندیبوونا ئه‌ندام و كادرێن پارتى كر كو د قۆناغێن جودا جودا دا ب خۆڕاگریا خۆ بووینه ئه‌گه‌را هێلانا ئۆمێد و باوه‌ری بخۆبوونا گه‌لێ كوردستانێ و ئامرازه بۆ خزمه‌تا خه‌لكێ كوردستانێ و هه‌ر ده‌ما پارتى بهێز كوردستان یا بهێزه.
د پشكه‌كا دى یا گۆتنێن خۆ دا سه‌رۆك بارزانى رۆناهى دا سه‌ر سه‌ره‌دانا حه‌فتییا بۆرى بۆ به‌غدایێ و ئه‌گه‌رێن وێ سه‌ره‌دانێ و كۆمبوونا ل گه‌ل ئالیێن ئیراقى بۆ ئاماده‌بوویان به‌حسكر.
هه‌ر د وێ دیدارێ دا یا گرێدایى ره‌وشا رێكخستنا ناڤخۆ یا پارتى سه‌رۆك بارزانى به‌رچاڤرۆنى و رێكارێن پێدڤى بۆ ئاماده‌بوویان دیاركرن.