ئاکرێ نیوز
مه‌سروور بارزانى په‌یامه‌كا پیرۆزباهییێ ئاراسته‌ى سه‌رۆكوه‌زیرێ نوى هه‌لبژارتییێ بریتانیا كیه‌ر ستامه‌ر كر، و هیڤى خواست هه‌ڤپشكییا بهێز یا د ناڤبه‌را هه‌رێما كوردستانێ و بریتانیا دا به‌رده‌وام بیت.
دوهى 4ى تیرمه‌هێ هه‌لبژارتنێن په‌ڕله‌مانێ بریتانیا هاتنه كرن، پارتا كرێكاران شییا 412 كورسییان و پرانیا په‌ڕله‌مانى بده‌ستڤه بینیت و دویماهییێ ب ده‌ستهه‌لاتا 14 سالان یا پارتا پارێزگاران بینیت، ئه‌ڤرۆ ژى سه‌رۆكێ پارتا كریكاران كیه‌ر ستامه‌ر وه‌كو سه‌رۆكوه‌زیرێ نوى یێ بریتانیا بۆ پێكئینانا كابینه‌یا حكومه‌تا نوى یا بریتانیا هاته راسپاردن.
سه‌رۆكوه‌زیرێ هه‌رێما كوردستانێ مه‌سروور بارزانى، ئه‌ڤرۆ د په‌یامه‌كا پیرۆزباهیێ دا راگه‌هاند، ئه‌و ژ دل خۆشحاله ب كاركرنێ دگه‌ل كیه‌ر ستامه‌رى و خواست ژى هه‌ڤپشكییا بهێز یا د ناڤبه‌را هه‌رێما كوردستانێ و بریتانیا دا به‌رده‌وام بیت.