بهایێ زێڕى گه‌هشته بلندترین ئاست د هه‌یاما دو مه‌هێن بۆرى دا و هه‌ر ئونسه‌یه‌ك ب دو هزار و 428 دۆلاران بازار پێ هاته‌كرن.
ل گۆڕه‌یى شرۆڤه‌كاران ژبلى كێمكرنا مفایێن بانكى، كو چاڤه‌ڕێ یه بانكا ناڤه‌ندى یا ئه‌مریكا مفایێ بانكى ل ئیلۆنا ئه‌ڤ ساله كێم بكه‌ت، مه‌ترسیێن جیۆسیاسى یێن په‌یوه‌ندى ب هه‌لبژارتنێن سه‌رۆكایه‌تییا ئه‌مریكا ڤه هه‌یى، هه‌روه‌سا ئالۆزى و شه‌ڕێن ل رۆژهه‌لاتا ناڤین ئه‌گه‌رێن بلندبوونا بهایێ زێڕى نه.
جیرۆم پاول، سه‌رۆكێ بانكا ناڤه‌ندى یا ئه‌مریكا دیاردكه‌ت، ئه‌و چاڤه‌ڕێ ناكه‌ن رێژه‌یا هه‌لاوسانێ داكه‌ڤیت بۆ ئارمانجا بانكا ناڤه‌ندى كو 2%ێ یا وى مفایى بهێته‌كێمكرن.
هه‌روه‌سا ل گۆڕه‌یى شرۆڤه‌كارێن بانكى ئه‌گه‌ره‌كێ مه‌زن ژى هه‌یه ل ده‌مه‌كێ زویتر ده‌ست ب كێمكرنا مفایێ بانكى بهێته‌كرن.