دلڤین شه‌مال
پشتی روودانێن 16 ێ ئۆكتۆبه‌رێ هه‌رده‌م پارتی بووه ئارمانجا دوژمن و نه‌یارێن كورد ب تایبه‌تی پارتی ، بۆ هه‌موو لایه‌كێ ئاشكرابووه كو پارتی ئێكانه لایه‌نێ سیاسیه خه‌ما پاراستنا كه‌ركووكێ هه‌لگرتیه و شه‌ر بۆ كریه و قۆربانی بۆ داینه ، پارتی چ جارا شه‌رێ كه‌ركووك نه‌كریه به‌لێ به‌رده‌وام شه‌ر ل سه‌ر كه‌ركووكێ كریه .
سه‌ره‌رای چه‌ندین خیانه‌تكاریا كو ده‌رهه‌ق ب پارتی هاتنه كرن ل ده‌مێ بووری به‌لێ نه‌شیام ڤیانا پارتی بۆ كه‌ركووكێ كێم بكه‌ن و پارتی هه‌رده‌م خه‌مخورا دوزا ره‌وایا گه‌لێ كورد بووه ل هه‌موو كوردستانێ تایبه‌ت كه‌ركووكا دلێ كوردستانێ كه‌ركووك و پارتی دوو ئه‌ندامێن پێكڤه گرێداینه چ و هێزو لایه‌ن نه‌شێن لێك جۆدا بكه‌ن و ئه‌ڤا رۆژانه ده‌رهه‌ق ب كادرو باره‌گه‌هێن پارتی دهێته كرن ل كه‌ركووكێ نه‌شێن پارتی پاشڤه‌به‌ن.
شه‌ڤا بووری وه‌ك كارێ خوه‌یێ هه‌رگاڤ هێرشی سه‌ر باره‌گه‌هێ لقێ سێ هاته كرن ل كه‌ركووكا دلێ كوردستانێ به‌لێ بێی زیانه‌كا گیانی هه‌بیت به‌رسڤا وان هێرشێن ترسنوكانه هاته دان و دوژمن بێده‌نگ بوون و نه‌شیان چ بكه‌ن.
پارتی بووه ئارمانجا دووژمنا ژبه‌ركو پارتی شیایه ببیته خودانا پاراستنا كه‌ركووكێ و پێكهاته‌یێن وێ ، ئه‌ڤا ده‌رهه‌ق پارتی دهێته كرن هه‌رده‌م یا چاڤه‌رێكریه به‌لێ پێدڤیه بۆ هه‌موو لایه‌كێ دیارببیت كو پارتی چ جارا ده‌ست ل پاراستن و ب ده‌ستڤه ئینانا مافێن گه‌لێ كورد به‌رناده‌ت ل كه‌ركووكێ و ناكه‌ڤیته بن چ كاریگه‌ریه‌كێ.
ئه‌ڤ ره‌وشا نوكه ده‌ڤه‌ر تێدا ده‌رباز دبیت ئێكگرتنێ دخوازین د ناڤبه‌را لایه‌نێن سیاسی یێن كوردی دا پێدڤیه هه‌موو لایه‌نێن دی مساومێ نه‌كه‌ن ل سه‌ر هیچ مافه‌كێ ره‌وایێ كه‌ركووك و كه‌ركووكیان و هه‌رده‌م به‌رهه‌ڤ بن بۆ قوربانیدانێ پێخه‌مه‌ت ئارامیا كه‌ركووكێ.ژبه‌ركو ئاشكرایه هه‌موو ده‌ما ئارمانجا دوژمنا پارتی دیموكراتی كوردستان بووه ل كه‌ركووكێ.