ئاکرێ نیوز
ئەڤرو د. دلاوەر بوزو دەڤەردارێ قەزا ئاکرێ بیاوەریا هەر ئێک ژ بروا فاروق رێڤەبەرێ ناحیا بجیل و کاروان ظاهر رێڤەبەرێ پەروەردا ئاکرێ ب مەرەما پیرۆزباهیێ سەرەدانا قوتابی یا ئێکەما کوردستانێ (ئیمان رەمەزان سعید) ل ناحیا بجیل دا.
دڤێ سەرەدانێ دا قائیمقامێ ئاکرێ خوشحالیا خۆ دەربری هەمبەر زیرەکی وخەمخوریا وێ و ژبۆ بدەستڤەئینانا پلا ئێکێ ل پشکا وێژەیی لسەر ئاستێ هەرێما کوردستانێ و هیڤیا ئایندەکێ سەرکەفتی بۆ خاست و هەر بڤێ هەلکەفتێ خەلاتەک پێشکێشی وێ کر.
هەروەها رول وپشتەڤانیا مالباتا وان ب گرنگ نرخاند و دەست خوشی ل رێڤەبەر وهەمی ماموستایێن ئامادەیا بجیل یاکچان کر .