ئاکرێ نیوز
ئەڤرو چل ڕۆژ بسەر وەغەرا داویێ یا خودێ لێخوش بیت کاوە زوهێر دەربازبون وەک وەفایەک ژبوی گیانێ رەحمەتی لقا ٩ یا پارتی دیموکراتی کوردستان و رێڤەبەریا رەوشەنبیری و هونەری و بزاڤا رەوشەنبیری ل ئاکرێ ب بەرهەڤبونا (د.مەردان خدر)بەرپرسێ لقا ٩ یا پارتی دیموکراتی کوردستان وهژمارەیەکا زۆرا هەڤال و کەسوکار و رەوشەنبیری و کەسایەتی و فەرماندێن لەشکری و هەڤپیشەیێن وی ل هولا کونفرانسان ل ئاکرێ رێورەسمێن چلینییا وی برێڤەچون.
بڤێ هەلکەفتا خەمگین (د.مەردان خدر) پەیڤەک پێشکێشکر و بەحسی کار و بزاڤ و رولێ رەحمەتی کاوەی کر کو د وێستگەهێن تەمەنێ خوە دا خزمەتەکا بەرچاڤا قادا کلتور و هونەر و رەوشەنبیریا ڤێ دەڤەرێ کریە و ئێک ژ ئەندامێن چالاک و ژێهاتی یێ لقا9 یا پارتی بوو،
بەرپرسێ لقێ سەرە خوشی لخو و هەمی هەڤال و کەسوکار و هەڤپیشەیێن وی کر و هیڤی خواست گیانێ وی ل بەحەشتێ شاد ببیت."
هەر دمەراسیماندا فلمەکێ دیکیومێنتاری لدۆر خەبات و خزمەتا نڤیسکارێ رەحمەتی هاتە نیشاندان دگەل پانێلەکی لدۆر رۆلێ وی د وارێ چاندی دا هەروەها هژمارەک ژ تابلو و پەیکەرەکێ پورترێت پەردە لسەر هاتە لادان و هژمارەکا پەیڤ و میوزیک و هەلبەستان ژی بۆ کوچا وەغەرکری هاتنە پێشکێشکرن.