فەرهاد نەوزاد، ژ دایکبوویێ ساڵا 1977ێ هەولێرە، هەر ل ساڵا 2006، دووكانا چێکرنا مۆبایلا ل لە كۆترا سەلام هەیە، ل ساڵا 2009 هەلگرتنا مۆبایلێ هێلایە و دبێژیت ژبلی مفایێن وێ، مۆبایلێ گەلەک ئاریشەژی هەنە و مرۆڤی ماندی دکەت و گووت: "خەلکەک هەیە وەخت و ناوەخت تەلەفۆنێ دکەت، دەستپێکێ من مۆبایل هەبوو، خەلکی نیڤ شەڤ تەلەفۆن دکر، نە دەمێ دووكانێ و نە دەمێ چێکرنا مۆبایلێ بوو، بێ کۆ بزانن تۆ ل کیڤەی و مژوولێ چی تەلەفۆن دکرن.“
ڤی هۆستای د ساڵا 2009دا ب ئەگەرێ زەنگا مۆبایلا كەسەکێ، ب ئێکجاری بکارئینانا مۆبایلێ و هەلگرتنا مۆبایلێ هێلا، وەك ئەو ڤەدگێریت، دەمژمێر 2ێ سپێدێ کەسەک تەلەفۆنێ بۆ دکەت و پرسیارا مۆبایلا خۆ ژێ دکەت، ئەو ژی وی دەمی بلەز ژ خەوێ رابوو و کەفتە سەر پێ کوڕێ خۆ و دبێژیت: ”دگەل زەنگا مۆبایلێ راپەڕیم و چوومە مۆبایلێ، کەفتمە سەر پێ کوڕێ خۆ و من هەست پێ نەکر، بۆ سپێدێ من دیت کوڕێ من شلی، من گوتێ بۆچی دشلی، گوتەمن شڤێدی تۆ کەفتیە سەر پێ من، من هزرا خۆ کر ئەگەر کەفتبام سەر زکێ وی یان سینگێ وی و من کوشتبا، لەورا ژ وێ رۆژێ من مۆبایل ل دیواری دا و هاڤێت.“
راگەهاند، من ل دوکانا خوەژێ ژمارە نەدانایە سەر و دزانم چ وەخت دهێم و دچم، گەلەک جارا وەختێ کەسەکێ بڤێت بهێتە دوکانا من گەر یا گرتی بوو داخوازا ژمارا من ژ دوکاندارێن دەوروبەرێ دوکانا من دکەن ئەوژی دبێژنێ مۆبایل نینە، موشتەری ژی وەسا هزر دکەن کۆ ناخوازن ژمارا من بدەنێ لەورا دبیتە دەنگەدەنگ و هندەک جارا ئاریشە چێبوویە.