حه‌مید ره‌حیم موختار خه‌لكێ گه‌رمیانه پشتى ره‌وشا ساخله‌مییا وى تێكچووى ل مه‌كه‌هێ وه‌غه‌را دوماهیێ كر و دبیته حه‌جیێ حه‌فتێ یێ هه‌رێما كوردستانێ د حه‌جا ئه‌ڤ ساله دا وه‌غه‌ر دكه‌ت.
كاروان ستوونى، په‌یڤدارێ رێڤه‌به‌رییا حه‌ج و عومرێ ل وه‌زاره‌تا ئه‌وقاف و كاروبارێن ئۆلى یا هه‌رێما كوردستانێ راگه‌هاند، حه‌جیێ حه‌فتێ د رێوره‌سمێن ئه‌داكرنا فه‌ریزه‌یا حه‌جا ئه‌ڤ ساله دا وه‌غه‌ركر، حه‌مید ره‌حیم موختار، خه‌لكێ گه‌رمیانه، پشتى ره‌وشا ساخله‌میا وى تێكچووى وه‌غه‌ر كریه و ئه‌ڤه دبیته حه‌جیێ حه‌فتێ یێ هه‌رێمێ ل مه‌كه‌هێ وه‌غه‌ر دكه‌ت.
حه‌جیێن ل مه‌كه‌هێ وه‌غه‌ركرین
زینەت رەشید قادر
رازیە عەلی
ئاسیا عەلی
حەمە حەسەن عەبدوللا
هەمین قادر
ئەحمەد بالەکی
ل گۆڕه‌یى حه‌ج و عه‌مرا هه‌رێمێ، ئه‌ڤ ساله چار هزار و 685 كه‌س ژ هه‌رێما كوردستانێ ب مه‌ره‌ما ئه‌داكرنا فه‌ریزه‌یا حه‌جێ چووینه وه‌لاتێ سعوودیێ و ب هه‌ر دو رێكێن ئاسمانى و هشكاتى چووینه.
كاروان ستوونى ئاشكراكر، 20ى ڤێ مه‌هێ ئه‌و‌ێن ب رێكا هشكاتیێ چووینه سعوودیێ دێ ڤه‌گه‌ڕن و به‌رنامه و خشته‌یه‌كێ تایبه‌ت ژى بۆ هاتییه دانان.