ئه‌ڤرۆ سپێدێ سه‌رۆك نێچیرڤان بارزانى ل گه‌ل فه‌رمانده‌یێ گشتى یێ هێزێن هه‌ڤپه‌یمانان ل ئیراق و سووریا كۆمبوو، هه‌ر دو ئالییان دوپاتى ل ئێكخستنا هێزێن پێشمه‌رگه‌ى كر.
ئه‌ڤرۆ پێنجشه‌مبێ 13-6-2024ێ نێچیرڤان بارزانى، سه‌رۆكێ هه‌رێما كوردستانێ ل گه‌ل جه‌نه‌رال جۆول ڤاول، فه‌رمانده‌یێ هێزێن هه‌ڤپه‌یمانان ل ئیراق و سووریا كۆمبوو، د كۆمبوونێ دا هه‌ر دو ئالییان دوپاتى ل ئێكخستنا هێزێن پێشمه‌رگه‌ى كر.
ره‌وشا ئێمناهیێ، مه‌ترسیێن تیرۆرێ گه‌فێن داعشێ ل سه‌ر ئاساییش و ئارامیێ ل ئیراق و سووریا هاتنه به‌حسكرن و دوپاتى ل پێدڤییا پشته‌ڤانییا هاریكارییا هه‌ڤپه‌یمانان و هه‌ماهه‌نگییا ناڤبه‌را پێشمه‌رگه‌ى، سوپایێ ئیراقێ و هێزێن ئێمناهیێ دا هاته‌كرن.
د ڤى وارى سه‌رۆك نێچیرڤان بارزانى و فه‌رمانده‌یێ هێزێن هه‌ڤپه‌یمانان ل ئیراق و سووریا ل سه‌ر گرنگییا پشته‌ڤانییا پرۆسێ و نه‌هیلانا ئاسته‌نگێن هه‌مبه‌ر هه‌ڤڕابوون.
ره‌وشا ناوچێ ب گشتى و چه‌ندین پرسێن جهێ گرنگییا هه‌ر دو ئالییان ته‌وه‌ره‌كێ دى یێ كۆمبوونێ بوون.