دوو یاریزانێن یانەیا ریال مەدرید بریارا چوونێ ژ یانێ دا و د چەند رۆژێن بهێن دا دێ پەیوەندیێ ب رێزین یانەیێن خو یێن نووی کەن.
ل گۆرەی رۆژنامەیێن ئسپانی، بەرگریکارێ یانەیا ریال مەدرید ناچوو فێرناندێز، ب گرێبەستەکا دو سالی پەیوەندی ب یانەیا قادسییە یا سعوودی کر.
ژ لایێ خۆ ڤە رۆژنامەڤانێ دیار فابریزیۆ رۆمانۆی راگەهاند؛ هێرشبەرێ یانێ خۆسێلۆ ژی یێ کو وەرزێ بۆری ب خاستن هاتییە ناڤا رێزێن یانەیا ریال مەدرید، بریار دا ل خۆلا قەتەری پەیوەندیێ ب یانەیا غەرافە بکەت.
رۆژنامێن ئسپانی دیارکر: هەرچەندە یانەیا ریال مەدرید حەزا کرینا گریبەستا خۆسێلۆی هەبوو ب ملیۆنەک و پێنجسەد هزار دۆلارا، لێ هێرشبەرێ ئسپانی پێ باشتر بۆ پەیوەندییێ ب یانەیەکا دی بکەت تایبەت پشتی هاتنا کلیان ئێمباپێ بۆ ناڤا رێزێن یانەیا مەلەکی.