رێبەر ئەحمەد، وەزیرێ ناڤخۆ یێ حكومەتا هەرێما كوردستانێ ل دۆر هەلبژارتنێن پەرلەمانێ كوردستانێ ئەڤرۆ دیاركر، حكومەتا هەرێما كوردستانێ و سەرۆكوەزیرێن هەرێما كوردستانێ بەری دوو سالان د ئامادەبوون هەلبژارتنان ئەنجامدەن، نوكە ژی حكومەتا هەرێمێ د ئامادەنە بۆ هاریكاریكرن وهەماهەنگی ل گەل كومسیۆنێ بۆ ئەنجامدا هەلبژارتنەكا پاقژ.
هەروەسا ل دۆر پەیوەندییێن هەولێر و بەغدا، وەزیرێ ناڤخۆ دیاركر، د ئەڤان دوو سەرەدانێن دووماهییێ دا یێن مەسرور بارزانی بۆ بەغدا پەیوەندییێن دناڤبەرا هەولێر و بەغدا بەرەف باشتر چووینە و پێشبینی دكەین ل دەمەكێ نێزیكدا ئاریشەیان چارەسەر بكەن تایبەت د بابەتێ مووچەی دا.