ئەڤرۆ ل ئیراقێ رۆژا نشتیمانی یا ئازادییا رۆژنامەگەرییێ یە، سەنتەرێ ستراتیژی یێ مافێن مرۆڤی ل ئیراقێ رێزبەندییا وەلاتان بۆ ئازادییا رۆژنامەڤانی بەلاڤ کر و راگەهاند: ئیراق ل رێزێن دویماهییێ یە.
فازل غەراوی، سەرۆکێ سەنتەرێ ستراتیژی یێ مافێن مرۆڤی ل ئیراقێ راگەهاند: ل سێ سالێن بۆری ل ئیراقێ ب سەدان بنپێکاری د دەرحەق رۆژنامەڤانان دا هاتینە کرن، ژ وان، کوشتن، بریندارکرن، گرتن، شکاندن و ژناڤبرنا کەلوپەلان و ژێوەرگرتنا کەلوپەلان و بێرێزیکرن بوون و ب ڤێ یەکێ، ل سەر ئاستێ جیهانێ ژ سەرجەمێ 184 وەلاتێن ئامار و داتایێن وان ل بەردەست، ئیراق بۆ ئازادییا رۆژنامەڤانی ل رێزا 169ێ دهێت.
غەراوی هەروەسا دبێژیت: ل ئیراقێ د ڤان سێ سالان دا، 470 رۆژنامەڤان هاتینە کوشتن، لەورا پێدڤییە حکومەتا ئیراقێ ژینگەهەکا گونجای بۆ ئازادییا رۆژنامەڤانی بەردەست بکەت.